نێچیرڤان بارزانی: پرسگرێكا ئیراقێ نه‌ ده‌ستووره‌

نێچیرڤان بارزانی: پرسگرێكا ئیراقێ نه‌ ده‌ستووره‌

سه‌رۆكێ هه‌رێما باشوورێ كوردستانێ ئیرۆ ل مه‌راسیمه‌كێ ل ده‌ربارا ره‌وشا پر ئالۆز ئا ئیراقێ ئاخڤی و وها گۆت: پرسگرێكا ئیراقێ نه‌ ده‌ستووره‌، هكوومه‌ته‌ك كو ته‌مه‌نا وێ ساله‌ك به‌، نكاره‌ تو چاكسازیێ د ڤێ وه‌ختا كێم ده‌ بجی بكه‌.

سه‌رۆكێ هه‌رێما باشووری كوردستانێ ئیرۆ رۆژا پێنجشه‌می ل مه‌راسیما كۆنگره‌یا 6 مین ئا كۆمه‌له‌یا پارێزه‌رێن هه‌رێما باشوور به‌شدار بوو و گۆتار خوه‌ند، تێده‌ نه‌رینا خوه‌ ئا ل ده‌ربارا ره‌وشا پر خه‌ته‌ر ئا ئیراقێ شیرۆڤه‌ كر.

نێچیرڤان بارزانی ئاماژه‌ كر، د راستی ده‌ خوه‌پێشاندان ب یه‌ك ژ مافێن گه‌ل تێ زانین، لێ به‌لێ تو هكوومه‌ت نكارن د وه‌خته‌كا هه‌ری كێم ده‌ چاكسازیێ بكن، وه‌كه‌ ئاماژه‌ ژ بۆ هكوومه‌تا فه‌ده‌رال ئا ب سه‌رۆكتیا ئادل ئه‌بدولمه‌هدی.

تشتا هه‌ری گرینگ ئا سه‌رۆكێ هه‌رێما باشوور گرینگی د گۆتارا خوه‌ دا پێ دای پرسا ده‌ستوورا ئیراقا فه‌ده‌راله‌ و ل ڤێ ده‌ربارێ ده‌ گۆ كو پرسگرێكا ئیراقێ نه‌ده‌ستوور ژ بۆ كو گوهه‌رین و سه‌ر راست كرنا ده‌ستوور وه‌ره‌ كرن.

ئیرۆ 7 رۆژ ل سه‌ر خوه‌پێشاندانێن نه‌رازیبوونێ ئێن ئیراقێ ده‌رباس دبن، خوه‌پێشاندانان ته‌ڤایا ولات گرتنه‌، گه‌لێ نه‌رازی دخوازه‌ هكوومه‌تا ئه‌بدولمه‌هدی وه‌ره‌ ژناڤبرن.

به‌را 2 رۆژان و پشتی رێبه‌رێ ره‌وتا سه‌دری ته‌ڤلی خوه‌پێشاندانێ بوو و گه‌فا هلبژارتنا به‌روه‌خت و لادانا سه‌ر وه‌زیرێ ئیراقێ كری، هنه‌ك تویت كرنه‌ و تێده‌ ب زه‌لالی گۆت‌ كو ئه‌وێ كار ژ بۆ سه‌راستكرنا ده‌ستوور بكن، هه‌ر چه‌ند كو پارله‌مه‌نا ئیراقێ ئه‌ڤ یه‌ك نیقاش كر و كۆمیتا سه‌راستكرنا ده‌ستوور ژی په‌ژراندیه‌.

ده‌ستهلاتا هه‌رێما باشوور هه‌ر د زوو ده‌ هه‌لوه‌ستا خوه‌ ئا ل ده‌ربارا ڤێ هه‌ولێ ئیلان كرن، سه‌رۆك وه‌زیرێ هه‌رێما كوردستانێ مه‌سروور بارزانی دوهـ و ئیرۆ سه‌رۆكێ هه‌رێما باشوور نێچیرڤان بارزانی ره‌فزا ڤێ بیرۆكی كرنه‌ تایبه‌ت خال و به‌ندێن گرێدای ده‌ستهلاتێن هه‌رێما كوردستانێ كو د ده‌ستوورا ولات ده‌ ته‌سبیت بوونه‌.