باره‌گه‌ها جه‌بهه‌ت ئه‌لنوسره‌ ل ئه‌فرینێ هاته‌ ته‌قاندن

باره‌گه‌ها جه‌بهه‌ت ئه‌لنوسره‌ ل ئه‌فرینێ هاته‌ ته‌قاندن

ته‌قنیه‌ك ئیرۆ ناڤه‌ندا جه‌بهه‌ت ئه‌لنوسره‌ ل باژارێ ئه‌فرینێ ئێ رۆژئاڤا كوردستانێ هه‌ده‌ف كر و 15 چه‌ته‌یێن وان ئێن ته‌كفیری كوشتن و بریندار كرن.

ل ناڤ باژارێ ئەفرینێ یێ رۆژئاڤا کوردستانێ ئیرۆ رۆژا پێنجشه‌می 31/10/2019ان تەقینەک چێبوو وه‌ختا ئه‌ره‌به‌یه‌كا ماینكری ل به‌رانبه‌ر باره‌گه‌ها ناڤه‌ندا رێخستنا ته‌كفیری ئا سه‌له‌فی ئا ب ناڤێ جه‌بهه‌ت ئه‌لنوسه‌ره‌ ته‌قیایی.

ل گۆر زانیاریێن دەستپێکێ، د ئەنجاما تەقینێ دە کوشتی و بریندار ھەنە، 7 چه‌ته‌یێن جه‌بهه‌ت ئه‌لنوسره‌ هاتنه‌ كوشتن و هه‌شت چه‌ته‌ بریندار كه‌تنه‌.

بارگه‌ها جه‌بهه‌ت ئه‌لنوسره‌ ل باژارێ ئه‌فرینێ دكه‌ڤه‌ قادا كاوایێ ئاسنگه‌ر و ئیرۆ ب رێیا ئه‌ره‌به‌یه‌كا ماینكری هات ته‌قاندن كو ژبلی زرارێن جانی، شه‌واته‌كه‌ مه‌زن ب ناڤه‌ندا باره‌گه‌ها جه‌بهه‌ت ئه‌لنوسره‌ كه‌ت.

جه‌بهه‌ت ئه‌لنوسره‌ كو ل ڤێ داویێ ناڤێ خوه‌ ژ بۆ جه‌بهه‌ت ئه‌لشامیه‌ گوهه‌راندیه‌، رێخستنه‌كه‌ جیهادی ئا سه‌له‌فی یه‌، ل ده‌ستپێكا شۆرشا سووریێ ل دژی ره‌ژیما به‌شار ئه‌سه‌د ته‌كوشین كر و نها وه‌كه‌ چه‌ته‌ و كرێگرتیێن تركیێ ته‌كۆشینا خوه‌ ل دژی هێزێن كوردی د دومینن و به‌شداری ئێریشا داگیركاریا سه‌ر رۆژئاڤا كوردستانێ ژی كرنه‌.