هه‌سه‌دێ ئه‌ره‌به‌یه‌كا چه‌ته‌یێن تركیێ تێكشكاند

هێزێن سووریایا ده‌مۆكراتیك ئیرۆ د چارچووڤه‌یا رۆژا 24ان یا به‌رخوه‌دانا رومه‌تێ ده‌، ئه‌ره‌به‌یه‌كا چه‌ته‌یێن تركیێ ل ده‌ردوورا سه‌رێكانیێ تێكشكاندن.

ئیرۆ رۆژا شه‌می 2/11/2019ان هێزێن هه‌سه‌دێ ل گوندێ مه‌هموودیێ یێ گرێدای باژاركێ سه‌رێكانیێ، ئێریشه‌كه‌ چه‌ته‌یێن تركیێ راوستاندن و كارین ئه‌ره‌به‌یه‌كه‌ چه‌ته‌یان تێكبشكێنن.

هه‌سه‌دێ دیمه‌نێن وێ ئێریشا چه‌ته‌یێن جه‌بهه‌ت ئه‌لنوسره‌ و ئارته‌شا ئازاد ئا سووریێ ل سه‌ر گوندێ مه‌هموودیێ وه‌شاندنه‌ و تێده‌ خوه‌یا دبه‌ كو ئه‌ره‌به‌ ب مۆشه‌كه‌كه‌ هێزێن وان تێ ژناڤبرن و دۆكه‌ل ژێ به‌رز دبه‌، لێ به‌لێ نه‌خوه‌یایه‌ كانێ چه‌ند چه‌ته‌ تێده‌ هاتنه‌ كوشتن.

هێزێن سووریایا ده‌مۆكراتیك د به‌یانه‌كه‌ نڤیسكی ده‌، ئه‌شكه‌ره‌ كر، ئێریشا ل سه‌ر گوندێ مه‌هموودیێ ب هه‌موو دژواریا خوه‌ڤه‌ ده‌وام دكه‌.