زرگان و تل ته‌مر ژ بۆ چه‌ته‌یێن تركیێ دبه‌ گۆرستان

زرگان و تل ته‌مر ژ بۆ چه‌ته‌یێن تركیێ دبه‌ گۆرستان

58 چه‌ته‌یێن جه‌بهه‌ت ئه‌ل نوسره‌ و ئارته‌شا ئازاد ئا سووریێ كو شه‌رێ رۆژئاڤا ژبۆ ته‌ره‌فا ئه‌ردۆگان دكن، د په‌ڤچوونێن ناڤچه‌یێن زرگان و تل ته‌مرێ ده‌ هاتنه‌ كوشتن.

هێزێن سووریایا ده‌مۆكراتیك ئیرۆ رۆژا شه‌می 2/11/2019ان ئامارا شه‌ر ئا 24 دەمژمێرێن دره‌باسبووی وه‌شاند و تێده‌ هاتیه‌ ته‌سبیت كرن، ل په‌ڤچوونا دوهـ رۆژا ئینی یا هه‌سه‌دێ و چه‌ته‌یێن تركیێ ژ رێخستنێن جه‌بهه‌ت ئه‌لنوسره‌ و ئارته‌شا ئازاد ئا سووریێ ده‌، ل سه‌ر ناڤچه‌یێن زرگانێ و سینۆرێ تل ته‌مرێ، 58 چه‌ته‌ هاتنه‌ كوشتن.

هه‌سه‌دێ ئه‌شكه‌ره‌ كر، دوهـ پرانی ئێرشێن ئارته‌شا دەولەتا ترکا داگیرکەر و چەتەیێن وێ ل تل تەمرێ هاتنه‌ تێك برن.

د ئەنجاما بەرسڤدانێ دە 10 ئەرەبەیێن لەشکەری ھاتن رووخاندن و 58 کوشتیێن ئارته‌شا دەولەتا ترکا داگیرکەر و چەتەیێن وێ چێبوون.

ژ 9ی جۆتمەھێ ڤە ھەتا رۆژا ئیرۆ ئا 24مین، ئێرشێن دەولەتا ترکا داگرکەر و چەتەیێن وێ، ل گەل بنپێکرنێن ل دژی باکور و رۆژھلاتێ سووریێ ژ ھێل وێ ڤە، د دۆمن. ل ھەمبەر ژی هه‌سه‌ده‌ بەرسڤا ھەموو ئێرشان ددە.