هێزێن سووریایا ده‌مۆكراتیك ئیرۆ گرتنا 8 گوندان ل سینۆرێ باژاركێ سه‌رێ كانیێ راگهاند و ئه‌شكه‌ره كر وان زرارێن جانی ب چه‌ته‌یێن تركیێ خستنه.
نه‌رینگه‌ها سووریا ئا مافێن مرۆڤان ئیرۆ ئه‌شكه‌ره كر، هێزێن سووریایا ده‌مۆكراتیك هه‌سه‌ده، 8 گوندێن باژاركێ سه‌رێ كانیێ ئێ رۆژئاڤا كوردستانێ ژ ده‌ست چه‌ته‌یێن رێخستنێن جه‌بهه‌ت ئه‌ل نوسره و ئارته‌شا ئازاد ئا سووریێ كو ژ بۆ به‌رژه‌وه‌ندیا تركیێ شه‌ر دكن، ده‌رخستن.
نه‌رینگه‌هێ دیاركر، ئه‌ڤ 8 گوند ل مه‌ها رابووری ده د ئێریشا داگیركاریا تركیێ ده ژ ئالیێ دۆڤه‌لانكێن تركیێ ڤه هاتبوو داگیر كرن.
گوندێن كو هه‌سه‌دێ گرتنه هه‌ر یه‌ك ژ داودیێ، سەدییێ، رەیھانە، سوەدیێ، کنەھر، ئەبووش، ئوم شەیفە و فەیسەلیێ نه.
ل گۆر روانگەھێ، ھێژ شەر بەردەوامە د ناڤبەرا هه‌سه‌دێ و کۆمێن چەکدارێن چه‌ته‌یێن تركیێ ده، هه‌سه‌ده ل ناڤچه‌یێن سینۆرێ تل ته‌مرێ ژی پێشڤه‌چوون كرنه.
