باله‌فرێن جه‌نگی یێن تركیێ هه‌ره‌كه‌تێن پارتیا كاركه‌رێن كوردستانێ ل چیایێ مه‌تینی بۆردۆمان كرن و فه‌رمانداره‌كێ مه‌زن ئێ په‌كه‌كێ به‌رته‌ره‌ف كر.
وه‌زاره‌تا پاراستنا نه‌ته‌وه‌ئی ئا تركیێ ئیرۆ رۆژا دوشه‌می 4/11/2019ان ئه‌شكه‌ره كر، باله‌فرێن جه‌نگی ئێن ئارته‌شا تركیێ د ئۆپه‌راسیۆنه‌كا هه‌ڤپار ل گه‌ل سازیا ئیسخباراتا ده‌وله‌تێ (میت)، هه‌ره‌كه‌تێن په‌كه‌كێ ل چیایێ مه‌تینی ل هه‌رێما باشوورێ كوردستانێ بۆردۆمان كرنه، د ئۆپه‌راسیۆنێ ده، فه‌رماندارێ مه‌تینی یێ په‌كه‌كێ موسلح ب كود ناڤێ (تێكۆشه‌ر زاگرۆس) تێ كوشتن.
هه‌ر وها ئه‌شكه‌ره كر، فه‌رماندارێ كو ل مه‌تینی هاتیه كوشتن، د لیستا سۆر ئا مه‌تلووبێن ده‌وله‌تا تركیێ ده بوو.
تێكۆشه‌ر زاگرۆس ل سالێن نۆتان ژ سه‌ده‌یا رابووری ته‌ڤلی په‌كه‌كێ بوویه و به‌شداری هه‌ژماره‌كه زۆر ئا چالاكیێن وێ ل ناڤچه‌یێن شه‌مزینان و چه‌لێ یێن باكوورێ كوردستانێ بوویه.
ل سالا 2001ان وه‌كه به‌رپرس و فه‌رماندارێ ناڤچه‌یا مه‌تینا ئێ په‌كه‌كێ هاتیه وه‌زیفه‌دار كرن و تركیێ خستبوو د لیستا سۆر ئا مه‌تلووبان ده.
