سێ سه‌رۆكتیێن ھەرێما باشوورێ کوردستانێ ئیرۆ جڤیان، پشتره ب ئاماده‌بوونا سه‌رۆك كۆمارێ ئیراقێ ب ئالیێن سیاسی یێن كوردستانی جڤیان و نیقاشا ئالۆزیا ئیراقێ كرن، په‌یاما هه‌رێما باشوور ژ بۆ ئیراقا فه‌ده‌رال ئه‌و بوو كو «نابه ده‌ست ل مافێن كوردان بدن».
3 سه‌رۆكتیێن هه‌رێما كوردستانێ ئیرۆ رۆژا سێشه‌می 5/11/2019ان جڤینه‌كه هه‌ڤپال ل دارخستن و بریارەکە ھەڤپشک دەربارێ ئەگەرێن سه‌راستكرن و گوھەراندنا دەستوورا ئیراقێ و مافێن خەلکێ کوردستانێ دان.
نێچیرڤان بارزانی سەرۆکێ ھەرێما کوردستانێ و مەسروور بارزانی، سەرۆکێ ھکووماتا ھەرێما کوردستانێ و رێواز فایەق، سەرۆکا پارله‌مه‌نا کوردستانێ، ب پشکدارییا جێگر و ھاریکارێن وان ل باره‌گه‌ها سەرۆکتییا ھەرێما کوردستانێ، رەوشا ئیراق و ناڤچه‌یێ نیقاش کرن.
دەربارێ ھەر پێشھات و ئەگەرەکێ ژ بۆ گوھەرتنا دەستوورا ئیراقێ وان بریار دان، کو نابە د سه‌راستكرنا دەستوور دە دەست ل مافێن کورد بدن.
پشتره هه‌رسێ سه‌رۆكتیێن كوردستانێ جڤینه‌كه به‌رفره‌هـ ب كه‌سێن یه‌كه‌م ئێن ئالیێن سیاسی ئێن كوردستانی ره پێكانی.
د ڤێ جڤینێ ده، ئالیێن سیاسی ره‌وش و ئالۆزیا ئیراقی و ده‌رفه‌تا گوهه‌راندنا ده‌ستوورا ئیراقێ نیقاش كر و یه‌كده‌نگ بوون كو نابه ده‌ست ل مافێن كوردان وه‌ره كرن.
هه‌رسێ سه‌رۆكتیێن ھەرێما کوردستانێ د دەما رابووری ده هه‌لوه‌ستا خوه ب زه‌لالی ل سه‌ر هه‌ولێن سه‌راستكرنا ده‌ستوورا ئیراقێ دیاركرنه و وان ده‌ست نیشان كر كو نابه ده‌ستهلاتێن هه‌رێما باشوور ده‌ستوه‌ردان تێده وه‌ره كرن.
