رێخستنا هه‌نگاو بۆ مافێن مرۆڤان یا رۆژهلاتا كوردستانێ راگهاند، د دەما مه‌ها ئۆکتۆبەرا ئیسال دە 87 هەمولاتیێن کورد ب سۆچێن جودا جودا وەکە چالاکیێن سیاسی، مەدەنی و کڕێکاریێ ژ ئالیێ پۆلیس و سازیێن ئه‌وله‌كاریێ یێن رەژێما ئیرانێ ڤە هاتنە دەستەسەرکرن.
ل گۆر وان ئامارێن ژ ئالیێ رێخستنا هه‌نگاوێ ئا تایبەت ب مافێن مرۆڤان ڤە ل رۆژهلاتا كوردستانێ هاتنه وه‌شاندن، ب تەنێ ل ئۆکتۆبەرا 2019ان، 87 هه‌مولاتیێن کورد ژ ئالیێ سازیێن ئه‌وله‌كاریا رەژیما ئیسلامیا ئیرانێ ڤە ل باژار و باژارۆکێن رۆژهلاتی کوردستانێ هاتنە دەستەسەر کرن.
هەر وها ل گۆر ڤان ئامارا د ناڤا دەستەسەرکریان دە 3 ژن و 4 خوێندکار و 2 پارێزەر هەنە.
رێخستنا هه‌نگاوێ ئامارە ب ڤی ئاوایی وه‌شاندنه:
ل گۆرەی سۆچان
چالاکڤانێن سیاسی 83 کەس کو دبن 95.5٪ ئا هەموو گرتیان.
چالاکڤانێن سڤیل 3 کەس کو دبن 3.5٪ ئا هەموو گرتیان.
کرێکار 1 کەس کو دبە 1٪ ئا هەموو گرتیان.
ل گۆرەی پارێزگەهان
پاریزگەها سنە 25 کەس.
پارێزگەها ئۆرمیێ 30 کەس.
پارێزگەها کرماشان 21 کەس.
پارێزگەها لۆرستان 1 کەس.
پاریزگەها ئیلام 1 کەس.
