ئه‌مه‌ریكا دبێژه‌ HSD داهاتا په‌ترۆلێ دبه‌

ئه‌مه‌ریكا دبێژه‌ HSD داهاتا په‌ترۆلێ دبه‌

ویلایه‌تێن یه‌كبووی یێن ئه‌مه‌ریكایێ ئیرۆ ئه‌شكه‌ره‌كر كو هێزێن وان ده‌ست نه‌داینه‌ سه‌ر سازیێن په‌ترۆلا سووریێ و ته‌سبیت كر كو كێلگه‌هێن وێ ناڤچه‌یێ د ده‌ست هه‌سه‌دێ ده‌نه‌.

هه‌موه‌ختا به‌لاڤه‌بوونا یه‌كه‌یێن ئارته‌شا ئه‌مه‌ریكایێ ل ناڤ سازی و سینۆرێ كێلگه‌هێن په‌ترۆلێ ل باكورێ رۆژهلاتا سووریێ، به‌رپرسیاره‌كێ ئاست به‌رز ئێ واشنتۆنێ ئیرۆ رۆژا پێنجشه‌می 7/11/2019ان داخوه‌یانی دا و گۆت كو هێزێن وان ده‌ست نه‌داینه‌ سه‌ر په‌ترۆلا سووریێ، لێ به‌لێ كێلگه‌هێن وێ ناڤچه‌یێ د ده‌ست هێزێن سووریایا ده‌مۆكراتیك ده‌نه‌.

وی به‌رپرسیارێ ئه‌مه‌ریكایێ كو ل وه‌زاره‌تا كارێن ده‌رڤه‌ وه‌زیفه‌داره‌ ئه‌شكه‌ره‌ كر، کێلگەھێن پەترۆلێ یێن باکورێ سووریێ ژ ئالیێ هه‌سه‌دێ ڤە تێن برێڤەبرن و ئه‌مەریکایێ ت بریارەک ل سەر وێ پرسێ دەرنەکریە.

هه‌ر وها ده‌ست نیشان كر، ئه‌ركا هیزێن ئه‌مه‌ریكایێ پاراستنا ناڤچه‌یێن به‌رهه‌مئانینا په‌ترۆلێ یه‌، لێ به‌لێ كێلگه‌هێن په‌ترۆلێ ل بن كۆنترۆلا هه‌سه‌دێ نه‌ و داهاتا په‌ترۆلێ ژی هه‌ر هه‌سه‌ده‌ دبه‌.

پوستێن ھەمان بەش