ئارته‌شا داگیركاریا ترك و دۆڤه‌لانكێن وێ ژ دوهـ ڤه سینۆرێ تل ته‌مرێ تۆپباران دكن.
چاڤكانیێن رۆژئاڤا كوردستانێ ئه‌شكه‌ره كرن، ژ دوهـ شه‌ڤێ ڤه، ئارته‌شا داگیركاریا ترك و دۆڤه‌لانكێن وێ یێ گرێدای جه‌بهه‌ت ئه‌ل نوسره و ئارته‌شا ئازاد یا سووریێ، سینۆرێ باژارۆكێ تل ته‌مرێ تۆپباران دكن. هه‌ر وها تۆپبارانا تركیێ ل سینۆرێ تل مهه‌مه‌د و دێركێ ژی هه‌یه.
هێزێن سووریایا ده‌مۆكراتیك ل ڤێ ده‌ربارێ ده به‌یانه‌ك وه‌شاند و تێده وها گۆتیه: ئارته‌شا داگیركار و چه‌ته‌یێن وێ ب چه‌كێن گران گوندێن داوودیێ، ئه‌ریشا و قاسمیێ تۆپباران كرنه.
ئه‌ڤ ئێریشا داگیركاریا ترك هه‌موه‌ختا برێڤه‌چوونا ده‌وره‌یا هه‌ڤپار ئا ئارته‌شێن تركیێ و رووسیا فه‌ده‌رال تێ كو دوه رۆژا ئینی 8/11/2019ان برێڤه‌چوو و گه‌لێ رۆژئاڤا ئه‌ره‌به‌یێن وان یێن له‌شكری به‌رباران كرن.
د وێ ئالۆزیا كو ل وه‌ختا برێڤه‌چوونا ده‌وره‌یا هه‌ڤپار ده‌ركه‌تی هۆلێ، ولاتیه‌كێ رۆژئاڤا جانێ خوه ژ ده‌ستدا، لێ به‌لێ مه‌دیا تركیێ دبێژه ئه‌و نه سڤیل بوو، به‌لكو شه‌رڤانه‌كێ یه‌په‌گێ یه.
