سپایێ پاسداران ته‌قه‌ ل 2 كۆلبه‌رێن سه‌رده‌شتێ كر

سپایێ پاسداران ته‌قه‌ ل 2 كۆلبه‌رێن سه‌رده‌شتێ كر

 سپایێ پاسداران ئێ ره‌ژیما ئیرانێ، ئیرۆ رۆژا شه‌می گوللـه‌ ئاڤێتن 2 هه‌مولاتیێن رۆژهلاتا كوردستانێ كو ل سه‌ر سینۆر كارێ كۆلبه‌ریێ دكن.

رێخستنا هه‌نگاو ئا مافێن مرۆڤان ئیرۆ رۆژا شه‌می 9/11/2019ان ئه‌شكه‌ره‌ كر، سپایێ پاسداران ئێ ره‌ژیما ئیسلامیا ئیرانێ، ل سه‌ر سینۆرێ هه‌رێما باشوور و رۆژهلاتا كوردستانێ، گوللـه‌ ئاڤێتن هه‌ژماره‌كه‌ هه‌مولاتیێن كوردێن رۆژهلات كو كارێ كۆلبه‌ریێ دكن.

2 كۆله‌به‌رێن كورد كو ژ باژارێ سه‌رده‌شتێ ئێ رۆژهلاتا كوردستانێ نه‌ ب ناڤێن «سیامه‌ند مهه‌مه‌د ئه‌بدوللا» ئێ د ژیێ 19 سال و «سیروان هسێن ئه‌بدوللا» یێ د ژیێ 25 سالان ده‌ بریندار كه‌تن.

ژ بۆ ده‌رمان كرنێ هه‌ر دو كۆلبه‌رێن بریندار ژ بۆ نه‌خوه‌شخانه‌یه‌كه‌ باژارێ سلێمانیێ ئێ باشوور كوردستانێ هاتن ڤه‌گوهاستن.

ل گۆر ئامارێن رێخستنا هه‌نگاوێ، ژ ده‌ستپێكا وه‌رزێ پاییزا ئیسالێ، 7 كۆلبه‌رێن كورد د ته‌قه‌یا سپایێ پاسدارێن ئیرانێ ده‌ هاتنه‌ شه‌هید كرن و هه‌ژمارا 20 كۆلبه‌رێن دن بریندار كه‌تنه‌.