ئێریشا ئارته‌شا تركیێ و دۆڤه‌لانكێن وێ یێن ته‌كفیری ژ جەبهه‌ت ئه‌ل نوسره و ئارته‌شا ئازاد ل سه‌ر رۆژئاڤا كوردستانێ د دۆمن، ب تایبه‌ت ل سینۆرێ باژارۆكێ عه‌ین عیسایێ.
نەرینگەها سووریا یا مافێن مرۆڤان ئه‌شكه‌ره كر، ئیرۆ رۆژا یه‌كشه‌می 10/11/2019ان شه‌ر ل ناڤبه‌را چه‌كدارێن دژبه‌ریا ره‌ژیما سووریێ كو وه‌كه چه‌ته‌یان شه‌ر ژ بۆ به‌رژه‌وه‌ندیا ئارته‌شا داگیركار یا تركیێ دكن و هێزێن هه‌سه‌دێ ده ده‌ركه‌ت و 2 چه‌ته هاتن كوشتن و 2 بریندار كه‌تن.
هه‌سه‌دێ ئه‌ڤ ئێریشا ل سه‌ر سینۆرێ عه‌ین عیسایێ كو ژ دوهـ ڤه د دۆمه تێكشكاند و دۆڤه‌لانكێن تركیێ نه‌چاری پاشڤه زڤرینێ كرن.
نەرینگەهێ بەلاڤ کریە کو ل گوندەوارێ ھەلەبێ ژی، ھێزێن ترکیێ بنگەھێن یه‌كینه‌یێن پاراستنا گه‌ل یه‌په‌گێ ب تایبه‌ت ل گوندێ مه‌رعنازێ تۆپباران كرنه، لێ زیانێن وێ تۆپبارانێ هینا نها نه زه‌لالن.
