ئارته‌شا داگیركاریا تركیێ و چه‌ته‌یێن وێ جاره‌كه دن ئێریشی گوندێن سینۆرێ تل ته‌مرێ كرن، باله‌فرێن بێ پیلۆت ژی بۆردۆمانێ دكن.
چاڤكانیێن رۆژئاڤا كوردستانێ ئه‌شكه‌ره كرنه، ئیرۆ رۆژا یه‌كشه‌می 10/11/2019ان چه‌ته‌یێن تركیێ ژ جه‌بهه‌ت ئه‌ل نوسره و ئارته‌شا ئازاد یا سووریێ ب پشته‌ڤانیا باله‌فرێن بێ پیلۆت یێن ئارته‌شا داگیركار، ئێریشا گوندێن ده‌ردوورا تل ته‌مرێ كرنه.
ئه‌ڤ ئێریش ل سه‌ر گوندێن قەبر سخیر و ئوم شەھفەیێ هاتنه کرن و شەر د ناڤبەرا وان و هێزێن سووریایا ده‌مۆكراتیك دە دەرکەتیە.
ناڤه‌ندا چاپه‌مه‌نیێ یا هه‌سه‌دێ ئه‌شكه‌ره كر، ئارته‌شا داگیركار و چه‌ته و دۆڤه‌لانكێن وێ چه‌كێن گران بكارئانینه و باله‌فرێن بێ پیلۆت گوندێن ناڤبووری هه‌ده‌ف كرنه.
ل ده‌ربارا ئێریشا سه‌ر ناڤه‌ندێن هه‌ره‌كه‌تێن ئارته‌شا نیزامی یا ره‌ژیما سووریێ، ئاژانسا سانا یا ده‌وله‌تا سووریێ ئه‌شكه‌ره كر كو ب سه‌ده‌ما هه‌ده‌فكرنا هه‌ره‌كه‌تێن ئارته‌شا سووریێ ژ ئالیێ ئارته‌شا تركیێ ڤه، 5 سه‌ربازێن وان هاتنه كوشتن و 26 بریندار كه‌تنه.
هه‌موه‌خت ئه‌شكه‌ره كر، ئه‌ڤ ئێریش ل 24 ده‌مژمێرێن رابووری ل سه‌ر ناڤه‌ندێن وان یێن هه‌ركه‌تێ ل سینۆرێ تل ته‌مرێ هاتنه پێكانین.
هه‌ر چه‌ند كو هه‌سه‌دێ به‌هسا ئامارا زرارێن خوه یێن جانی نه‌كر، لێ به‌لێ ره‌ژیما سووریێ دبیژه كو ژ دوهـ ڤه 12 شه‌رڤانان جانێ خوه ژده‌ستدا و7 تێن دن بریندار كه‌تنه.
