كێ گۆتنێن نێچیرڤان بارزانی سه‌روبنكرن؟

كێ گۆتنێن نێچیرڤان بارزانی سه‌روبنكرن؟

ل 5 نۆڤێمبه‌را 2019ان ده‌ پانێلا ئه‌نستێتیۆیا له‌كۆلینێن رۆژهلاتا ناڤین «میری»، نێچیرڤان بارزانی سه‌رۆكێ هه‌رێما باشوورێ كوردستانێ گۆتاره‌كه‌ گرینگ دا.

 ژ داگیركاریا سه‌ر رۆژئاڤا كوردستانێ و پشتره‌، ئه‌ڤ گۆتارا سه‌رۆكێ هه‌رێما باشوورێ كوردستانێ ته‌مامكارا وان هه‌نگاڤان بوو كو هكوومه‌تا باشوور و سیاسه‌تڤانێن وێ ژ بۆ یه‌كیتیا نه‌ته‌وه‌ئی ئا كوردان ئاڤێتنه‌، بێ ده‌وله‌تیا كوردان و داگیركاریا به‌رده‌وام ل سه‌ر كوردستانێ دو سه‌ده‌مێن سه‌ره‌كه‌ یێن په‌رچه‌بوونا ئالیێن سیاسی یێن كوردی یه‌، داخوه‌یانیێن ل سه‌ر یه‌كیتیا نه‌ته‌وه‌ئی ژی تێن دایین، هێڤیێن مه‌زن ئاڤا كرنه‌، هكوومه‌تا باشوور زێده‌باری كو تێكلیێن وێ ل گه‌ل هكوومه‌تا دیمه‌شقێ لاواز بوون وێ گۆت: ئه‌مێ داگیركاریا ل سه‌ر رۆژئاڤا كوردستانێ قه‌بوول نه‌كن.

سه‌رۆكێ پارتیا ده‌مۆكراتا كوردستانی و رێبه‌رێ ملله‌تێ كورد مه‌سعوود بارزانی، پێشه‌نگیا پشتگریا رۆژئاڤا كوردستانێ كر و هه‌لوه‌ستا خوه‌ ل دۆر داگیركاریێ ئه‌شكه‌ره‌ كر وه‌ختا كو ل سه‌ر هه‌سابا خوه‌ ئا تویته‌رێ ب زه‌لالی گۆتی كو ئه‌و داگیركاریا ل سه‌ر رۆژئاڤا ب تو ئاوایی قه‌بوول ناكن و هه‌موه‌خت ڤه‌كشاندنا له‌شكه‌رێن ئه‌مه‌ریكایێ ب توندی ره‌خنه‌ كر.

پشتره‌ وه‌ختا كو دۆنالد ترامپ ئێ سه‌رۆكێ ئه‌مه‌ریكایێ ل ده‌ربارا پشتگریا كوردان گۆتی كو ئه‌مه‌ریكایێ چه‌ك و پاره‌ ب كوردان دایینه‌، د به‌رسڤا ترامپ ده‌ رێبه‌رێ ملله‌تێ كورد گۆت كو «خوینا كوردان ژ پاره‌ و چه‌كان بهادار تره»‌. پشتی ڤێ هه‌لوه‌ستا بارزانی، پارله‌مه‌نا كوردستانێ هه‌لوه‌ست سته‌ند.

هه‌رێما باشوور به‌رژه‌وه‌ندیا هه‌موو كوردان ل به‌رچاڤ دگره‌ و هه‌ول دده‌ ل سه‌ر خه‌تا نه‌ته‌وی بمه‌شه‌

ئیبراهیم كالن به‌رده‌فكێ سه‌رۆك كۆمارێ تركیێ، د گۆتارا خوه‌ ده‌ ئه‌شكره‌ كو مه‌سروور بارزانی سه‌ر وه‌زیرێ باشوورێ كوردستانێ، وێ سه‌ردانا ئه‌نقه‌رێ بكه‌ و ب ره‌جه‌ب ته‌یب ئه‌ردۆگان سه‌رۆكێ تركیێ ره‌ بجڤه‌، لی به‌لێ پاش ده‌مه‌كا كورت ئۆفیسا سه‌ر وه‌زیرێ هه‌رێما باشوور دیاركر كو سه‌ردانا ولاتیێ تركیێ د رۆژه‌ڤ‌ و پلانێن مه‌سروور بارزانی ده‌ تونه‌یه‌.

 ل سه‌ر ڤێ مژارێ و گۆتارا ئه‌دهه‌م بارزانی ئه‌ندامێ كۆمیتا ناڤه‌ندیا پارتیا ده‌مۆكرات ئا كوردستانێ بۆ بنگه‌ها نیقاشه‌كه‌ مه‌زن، وه‌ختا گۆتی، پاش داگیركاریا ل سه‌ر رۆژئاڤا كوردستانێ، داگیركاریا ل سه‌ر باشوورا كوردستانێ وێ ده‌ست پێ بكه‌، زێده‌باری هه‌بوونا گه‌فه‌كا جددی ل سه‌ر هه‌رێما كوردستانێ، لی به‌لێ رایه‌دارێن هكوومه‌تێ ب تو ئاوایه‌كی ده‌ست ژ پشتگریا رۆژئاڤا هلنه‌گرتن، هه‌ر چه‌نده‌ پێویست دكه‌ باشوورێ كوردستانێ هه‌ڤسه‌نگیه‌كێ ل ناڤبه‌را خوه‌ و ده‌وله‌تێن ده‌ردوور راگره‌، ژ به‌ر كو باشوورا كوردستانێ ل ژێر دۆرپێچا ئیراق، ئیران و تركیێ ده‌یه، ‌لێ به‌لێ زێده‌بارى هه‌موو ئاسته‌نگیان هه‌ر ده‌ما ترس دكه‌ڤه‌ سه‌ر هه‌ر په‌رچه‌یه‌كه‌ كوردستانێ بێ گوهدانا ترس و گه‌فێن ده‌وله‌تێن داگیركار، هه‌رێما باشوور به‌رژه‌وه‌ندیێن هه‌موو كوردان ل به‌رچاڤ دگره‌ و هه‌ول دده‌ ل سه‌ر خه‌تا نه‌ته‌وی بمه‌شه‌.

گۆتنێن نێچیرڤان بارزانی ل كۆنگره‌یا «میری» ل سه‌ر ڤێ ئه‌ساسێ بوون، نێچیرڤان بارزانی ب زه‌لالی گۆت كو رۆلا وی د ئاڤاكرنا په‌یوه‌ندیێن رووسیا فه‌ده‌رال و رۆژئاڤا ده‌ هه‌یه‌ و ناڤبه‌ینكاری ژ بۆ ڤێ مه‌به‌ستێ كریه‌ و د هه‌مان ده‌مێ ده،‌ به‌رده‌وام ل گه‌ل مه‌زلووم ئه‌بدی ل سه‌ر خه‌ته‌.

هه‌لوه‌ستا نێچیرڤان بارزانی ل ده‌ربارا رۆژئاڤا دژاتیا گرۆپا «براتیا گه‌لان» بۆ باشوور زێده‌كر

ب خوه‌دی ده‌ركه‌تنا نیچیرڤان بارزانی و رایه‌دارێن دن یێن باشوور ل رۆژئاڤا كوردستانێ بوو سه‌ده‌ما وێ یه‌كێ كو باسكێ توركچێتیێ «براتییا گه‌لان» د ناڤا په‌كه‌كێ ده‌ ل دژی هه‌رێما باشوور ده‌ركه‌ڤه‌، ژ به‌ر كو په‌كه‌كه‌ ئه‌و ب تو ئاوایه‌كی ناخوازه‌ نه‌ته‌وه‌په‌رستیا كوردان به‌رز و دیار ببه، لێ به‌لێ ب عه‌كس دخوازه‌‌ پێشیا ئه‌ڤێ هه‌ولێ بگره‌.

د راستی ده‌ دژاتی كرنا په‌كه‌كێ ل هه‌مبه‌ر گۆتنێن نێچیرڤان بارزانی زێده‌تر مه‌به‌ست پێ كو جه‌نه‌رال مه‌زلووم ئه‌بدی پێ ڤالا ده‌ربخن، مه‌زلووم ئه‌بدی ل 25 جۆتمه‌ها 2019ان ده‌ سپاسیا بارزانی و هه‌موو رایه‌دارێن باشوور و گه‌لێ باشوور كربوو، لێ به‌لێ ئه‌ڤ گۆتنێن مه‌زلووم ئه‌بدی نه‌ بدلێ په‌كه‌كێ بوون و په‌كه‌كه‌ پر ب ڤان گۆتنێن جه‌نه‌رال ئێشیا بوو.

هه‌ر ل سالا 1992ان و دامه‌زراندنا كابینه‌یا یه‌كه‌مین ئا هكوومه‌تا باشوورێ كوردستانێ و پارله‌مه‌نا كوردستانێ، په‌كه‌كێ نه‌ ته‌نێ دانپێدان پێ نه‌كر، به‌لكو ب هه‌موو ئاوایه‌كی ل دژ راوه‌ستا و پاشده‌ شه‌ڕ ب هكوومه‌تا باشوور فرۆشت، پشتره‌ و ل سالا 1999ان ژی و هه‌یا ده‌سته‌سه‌ركرنا رێبه‌رێ په‌كه‌كێ ئه‌بدوللا ئۆجالان، مه‌دیا په‌كه‌كێ ل سه‌ر دژبه‌ریا هكوومه‌تا باشوور و ده‌ستكه‌فتیێن هه‌رێمێ و سیاسه‌تڤانێن وێ به‌رده‌وام بوو، په‌كه‌كه‌ ناخوازه‌ ب تو ئاوایه‌كی گه‌لێ كورد به‌رێ خوه‌ بده‌ باشوورو دبێژه‌: تشتێ باش ل باشوور تونه‌یه‌، هه‌ر هه‌موو رایه‌دارێن باشوور خائین، په‌ره‌ خۆرن و كورداتی د ناڤا وان ده‌ بێ واته‌یه‌، په‌كه‌كه‌ به‌رده‌وام دخوازه‌ پێگه‌هه‌كه‌ ب ڤی ئاوای ل مه‌ژیێ كوردان ده‌ ئاڤا بكه‌، په‌كه‌كه‌ باش فێم دكه‌ كو ئه‌گه‌ر گه‌لێ كورد به‌رێ خوه‌ بدن باشوورێ كوردستانێ، پرۆژه‌یا وان یا تورك كرنێ وێ ژناڤ بچه‌.

جه‌نه‌رال مه‌زلووم دخوازه‌ د سه‌ر په‌كه‌كێ ره‌ ‌پرسگرێكان دگه‌ل هه‌ولێرێ نیقاش بكه‌

ئه‌و ئالیێن گۆتنێن نێچیرڤان بارزانی سه‌روبن كری ئارمانجه‌كه‌ وان یا دن ژی هه‌یه،‌ ئه‌و ئارمانج ژی ئه‌ڤه‌ كو ناخوازن ل ناڤبه‌را باشوور و رۆژئاڤا كوردستانێ تێكلی هه‌به‌، مه‌زلووم ئه‌بدی دخوازه‌ پرسگرێكان دگه‌ل هه‌ولێرێ گۆتوبێژ و چاره‌سه‌ر بكه‌، و د ڤێ هه‌لوه‌ستا خوه‌ دا ئه‌و ب بریاره‌، گۆتارا مه‌زلووم ئه‌بدی ل كه‌نالێ رووداوێ ده‌، به‌لگه‌یه‌كه‌ هاشاهه‌لنه‌گره‌ ل سه‌ر ڤێ یه‌كێ، هه‌موه‌خت ئه‌ڤ گۆتار بوو مه‌دیایا په‌كه‌كێ وێ به‌رسڤ به‌.

ئارمانجا هه‌ری سه‌ره‌كه‌ یا دژمنان ئه‌ڤه‌ كو دخوازن كوردان ب ده‌ست كوردان بده‌ن كوشتن، ژ به‌ر ڤێ سه‌ده‌مێ، پێویست دكه‌، كورد نه‌كه‌ڤن داڤێن دژمن، دگه‌ل ئاڤاكرنا یه‌كرێزیا مالا كوردی پێویست دكه‌‌ كو مه‌دیایا په‌كه‌كێ ئا گرێدای چه‌پ و تورك په‌رستان بهێن سنینۆردار كرن و ئه‌و قه‌له‌مێن ل دژی یه‌كیتیا كوردی بكارانین پێویست دكه‌ وه‌رن شكاندن.

پوستێن ھەمان بەش