باله‌فرێن جه‌نگی یێن تركیێ ئیرۆ هه‌ركه‌ته‌ێن پارتیا كاركه‌رێن كوردستانێ په‌كه‌كێ ل هه‌رێما باشوورێ كوردستانێ هه‌ده‌ف كرن، په‌كه‌كێ زرارێن جانی دیتن.
وه‌زاره‌تا پاراستنا نه‌ته‌وه‌ئی یا تركیێ ئیرۆ رۆژا دوشه‌می 11/11/2019ان د به‌یانه‌كه نڤیسكی ده ته‌سبیت كر كو باله‌فرێن جه‌نگی یێن ئارته‌شا تركیێ ناڤه‌ند و هه‌ره‌كه‌تێن په‌كه‌كێ ل ناڤچه‌یێن ئاڤاشین، باسیان هاتنه هه‌ده‌ف كرن.
ده‌ست نیشان كر، د وێ ئۆپه‌راسیۆنێ ده 3 گه‌ریلایێن په‌كه‌كه هاتنه به‌رته‌ره‌ف كرن، هێزێن پاراستنا گه‌ل هه‌په‌گێ بالێ له‌شكری یێ په‌كه‌كێ تو داخوه‌یانی ل سه‌ر ئێریشێ نه‌دانه.
ل رۆژێن رابووری ئارته‌شا تركیێ ئه‌شكه‌ره كر كو د پلان ده‌یه ئه‌و ئۆپه‌راسیۆن و ئێریشێن خوه یێن ل دژی په‌كه‌كی ل هه‌رێما باشوور و باكوورێ كوردستانێ به‌رفره‌هـ بكن، ئه‌ڤ ژی یه‌كه‌مین ئێریشا ئاسیمانی یه تێ كرن پشتی كو ئه‌ڤ داخوه‌یانی هاتی وه‌شاندن.
