رووسیا فه‌ده‌رال و تركیێ ده‌وریا هه‌ڤپارا 4 مین پێكانی

رووسیا فه‌ده‌رال و تركیێ ده‌وریا هه‌ڤپارا 4 مین پێكانی

ئارته‌شێن رووسیا فه‌ده‌رال و تركیێ ئیرۆ ده‌وریا هه‌ڤپارا 4 مین ل رۆژئاڤا كوردستانێ پێكانی، جاره‌كه‌ دن گه‌لێ رۆژئاڤا ئه‌ره‌به‌یێن وان یێن له‌شكری به‌رباران كرن.

ئیرۆ رۆژا دوشه‌می 11/11/2019ان یه‌كه‌یێن ئارته‌شێن رووسیا فه‌ده‌رال و تركیێ ل باكوورێ رۆژئاڤا سووریێ و ناڤچه‌یێن رۆژهلاتا فراتێ، ده‌وریه‌كه‌ هه‌ڤپار پێكانی كو ب ده‌وریا 4 مین تێ هه‌ژمارتن و ئه‌ره‌به‌یێن له‌شكری ل ناڤچه‌یێن هه‌رێما ئه‌وله‌هیێ مانۆر كرن.

ئارته‌شیێن رووسیا فه‌ده‌رال و تركیێ ل داوی جار كو ل هه‌فتییا رابووری بوو ده‌وره‌یا هه‌ڤپار ئا 3 مین پێكانی بوون، لێ ژ ئالیێ گه‌لێ رۆژئاڤا ل سینۆرێ قامشلۆ هاتن به‌رباران كرن.

ئیرۆ ژی ل وه‌ختا ده‌رباسبوونا ئه‌ره‌به‌یێن له‌شكری یێن رووسیا و تركیێ ل سینۆرێ دربێسیێ، گه‌لێ وان ناڤچه‌یان ئه‌و به‌ر باران كرن.

ده‌وره‌یێن هه‌ڤپار ئێن رووسیا فه‌ده‌رال و تركیێ ل گۆر لهه‌ڤهاتنا سۆچیێ تێن كرن، ئه‌و ل هه‌ڤهاتنا هێزێن سووریایا ده‌مۆكراتیك ل په‌ی وێ ژ ناڤچه‌یێ هاتنه‌ ڤه‌كشاندن.