یه‌په‌گه‌ خه‌نده‌كان ل سینۆرێ باشوور و رۆژئاڤا د كۆله‌

یه‌په‌گه‌ خه‌نده‌كان ل سینۆرێ باشوور و رۆژئاڤا د كۆله‌

یه‌كینه‌یێن پاراستنا گه‌ل یه‌په‌گێ ده‌ست ب كۆلانا خه‌نده‌كان ل سینۆرێ رۆژئاڤا و باشوورێ كوردستانێ كریه‌، ئه‌ڤ خه‌نده‌ك ب 400 مه‌ترانه‌ ژ سینۆرێ باشوورێ كوردستانێ دووره‌.

ل گۆری چاڤكانیێن تایبه‌ت ئێن داركا مازیێ، یه‌كینه‌یێن پاراستنا گه‌ل یه‌په‌گێ ژ سه‌رێ ڤێ مه‌هێ 1/11/2019ان ده‌ست ب كۆلانا خه‌نده‌كان ل سینۆرێ ناڤبه‌را رۆژئاڤا و باشوورێ كوردستانێ كرنه‌، ئه‌ڤ خه‌نده‌ك ژ گوندێ «تۆره‌میشا» یێ سه‌ر ب باژارۆكێ دێركێ ڤه‌ ده‌ست پێ دكه‌ ل به‌رانبه‌ر گوندێ «شلكی» یێ گرێدای ناڤچه‌یا زومار یا باشوورێ كوردستانێ.

كارێن كۆلانا خه‌نده‌كێ ل ده‌مه‌كی نها به‌رده‌وامن، هه‌یا نها گهایه‌ گوندێ «گره‌سۆر» یێ گرێدای دێركێ كو دكه‌ڤه‌ به‌رانبه‌ر گوندێ «سحێلا» ل ناڤچه‌یا زومار ئا باشوورێ كوردستانێ.

چاڤكانیێن داركا مازیێ ئه‌شكه‌ره‌ كرنه‌ كو یه‌په‌گه‌ دخوازه‌ خه‌نده‌كێ هه‌یا ناڤچه‌یا تل كۆچه‌رێ یا سه‌ر ب دێركێ ڤه‌ درێژ بكن.

خه‌نده‌كێن نها ژ ئالیێ یه‌په‌گێ ڤه‌ تێن كۆلان ب 400 مه‌تران ژ سینۆرێ باشوورێ كوردستانێ بۆ رۆژئاڤا كوردستانێ دووره‌، هه‌ر وها فره‌هیا ڤان خه‌نده‌كان دگه‌هه‌ 4 مه‌تران و كووراتی 5 مه‌ترن.