«کوردستان شانازیێ ب پێشمەرگەهان دکە و نابە پێشمەرگەهـ ب خوە ژی قەبوول بکە کو ھێزەکە ھزبی بە»
سه‌رۆكێ هه‌رێما باشوورێ كوردستانێ ئیرۆ به‌شداری مه‌راسیما ده‌رچوونا هێزكه پێشمه‌رگه‌هێن كوردستانێ ژ زانینگه‌ها له‌شكری كر و د مه‌راسیمێ ده وها ئاخڤی: «پێویسته ئه‌م ئارته‌شه‌كا نشتیمانی ئاڤا بكن».
زانینگه‌ها له‌شكری ئا زاخۆ ئیرۆ رۆژا سێشه‌می 12/11/2019ان مه‌راسیمه‌كه مه‌زن ژ بۆی ده‌رچوونا قوناخا 26ان ئا خوه‌ندكارێن خوه رێخست و نێچیرڤان بارزانی سه‌رۆكێ هه‌رێما باشوورێ كوردستانێ ل مه‌راسیمێ ئاماده‌بوو، په‌یڤه‌ك پێشكێش كر و تێده گوت: «ھەرێما کوردستانێ پێویستی ب ھێزەکە له‌شكری یا نشتیمانی ھەیە و نابە پێشمەرگەهـ ب خوە قەبوول بکە کو ھزبی بە».
ل ده‌ربارا پێگه‌هاندنا زانینگه‌ها زاخۆ ئا له‌شكری ژ بۆ پێشمه‌رگه‌هان، نێچیرڤان بارزانی تەکەز کر کو گەرا پێگەھاندنێ پێویستییەکە گرینگە ژ بۆ ئەفسەران و گەشەپێدانا شیانێن مرۆڤی بنگەھا پێشکەڤتنا جڤاکێیە.
هه‌ر وها راگھاند، ھەرێما کوردستانێ پێویستی ب ھێزەکە له‌شكری یا نشتیمانی ھەیە کو نابە بۆ ئارامنجێن ھزبی وه‌ره بكارئانین.
نێچیرڤان بارزانی گۆت: «پێشمەرگە ل جیھانێ ب سه‌مبولا ئیرادەیێ تێ ناسكرن و ھەرێما کوردستانێ شانازیێ ب پێشمەرگەهان دکە و نابە پێشمەرگەهـ ب خوە ژی قەبوول بکە کو ھێزەکە ھزبی بە».
سه‌رۆكێ هه‌رێما باشوور ده‌ست نیشان كر، زانستا له‌شكری وەکه ھەر زانستەکە دن خوەدی پاشخان و بنگەھێن زانستییێن تایبەت ب خوە ھەنە و مل ب مل ل گەل پێشکەڤتنێن تەکنەلۆژیا و ئالاڤێن جەنگی ب بەردەوامی د پێشکەڤتنێ ده‌یه.
سەرۆکێ ھەرێما کوردستانێ دبێژه: «بەردەوامیدان ب پێگەھاندنا ئەفسەران گرنگییەکە ھەتمییە ژ بۆ ھەرێما کوردستانێ و پەروەردەکرنا وان ل سەر بنگەھا نیشتیمانپەروەری، مرۆڤدۆستی و ھەستکرن ب بەرپرسیارتیێ، جەنگاوەرێن خوەدی باوەر و بەرەڤانێن خوەدی ئیرادە د ماف و بەھایێن نیشتیمانی و مرۆڤانیێ بەرھەم دئینه».
نێچیرڤان بارزانی گۆت: «پێشمەرگەهـ و تەڤاھییا ھێزێن چەکدارێن ھەرێما کوردستانێ، ھێزێن مۆرال به‌رز، ئاشتیخواز و ژیان دۆستن، پێشمەرگەهـ ل سەر ئاستا جیھانێ ب سه‌مبولا ئیرادە و بەرەڤانیێ ل شارستانیەتێ و مرۆڤانیێ ھاتنە ناسكرن و خوەدی پاشخانەکە مەزنە ژ ھزر و باوەریا بەھایێن مرۆڤانیێ نه».
