ئەرێ ترکیێ وێ ئێریشی کۆبانێ بکە؟
ئالدار خەلیل سەرۆکێ دەستەیا جێبەجێکارا تەڤگەرا جڤاکێن دەمۆکراتیک تەڤدەمێ کو ل 9/11/2019ان دە د جڤینه‌كه تایبەت ده دگەل پێگه‌ها «Defense Post’a» ئەنجام دابوو، باس ل هەولێن داگیرکاری یێن ترکیێ ل سەر رۆژئاڤا کر.
د جڤینه‌كه تایبەت دە ئالدار خەلیل ل 9/11/2019ان دە باس ل تێکلیێن خوە دگەل هەڤپەیمانێتیا ناڤنه‌ته‌وه‌ئی و سەر ژ نوو دەستپێکرنا ئۆپەراسیۆنان ل دژی دائیشی کر.
ئالدار خەلیل راگهاند کو وان سەر ژ نوو دەست ب هەڤکاریا دگەل هەڤپەیمانێتیا ناڤنه‌ته‌وه‌ئی کر، ئەڤ کارێ هەڤبەش پێش دو رۆژان دەست پێ کر.
هه‌ر وها گۆت: ل سەر ڤێ یەکێ کو پاشڤەکێشانا ئەمەریکایێ ل باکوورا سووریێ و رۆژئاڤا، بۆ سەدەما ئێریشا داگیرکاری ئا ترکیێ، لێ بەلێ هینا نها ژی مە پەیوەندیێ هەری باش دگەل ئەمەریکایێ هەنە.
د بەرسڤا پرسا پەیامنێرێ «Defense Post’a» دە سەبارەت نەرینا وی ل سەر ئێریشا ترکیێ ل سەر کۆبانێ، ئالدار خەلیل وها بەرسڤ د دە: ئەم دزانن کو نها ترکیێ ل دەردورێ کۆبانێ مژۆلی خوە رێخستن و ئینانا له‌شكرانه، لێ بەلێ ئەم نکارن ببێژین کو وێ ترکیێ ئێریشێ بکە یان نە. پێش ئێریشا ل سەر سەرێکانیێ و گرێ سپی ژی ئەڤ هه‌ره‌كه‌تێن لەشکەری ژ ئالیێ ترکیێ هەبوون، د وێ دەمێ دە جیمز جێفری، نوونەرێ تایبەت ئێ ویلایەتێن یەکبوویی ل سووریێ ب مەرە گۆت: تو تشتەک وێ نەقەومە.
د ئاخافتنێن ئالدار خەلیل دە ئەڤ یەک خوەیا بوو کو ناڤهاتی تو زانیاریەک ل سەر ئێریشا ترکیێ ل سەر کۆبانێ نینە، هەر وها ئالدار خەلیل دبێژە: ل سەر ڤێ یەکێ کو پەیوەندیێن وان یێن بەردەوام دگەل ئەمەریکایێ هەنە، لی بەلێ هنەکێ باوەریا مە ب ئەمەریکایێ نایێ.
گەلێ کورد و پارتیێن سیاسی ب گشتی ل سەر کۆبانێ ب گۆمانن، هه‌ركه‌تا ئه‌سكه‌ران ل سەر سینۆرێ کۆبانێ هەیا نها د دۆمە و بەر ب زێدەبوونێ دچە
گەلێ کورد و پارتیێن سیاسی ب گشتی ل سەر کۆبانێ ب گۆمانن، هه‌ركه‌تا ئه‌سكه‌ران ل سەر سینۆرێ کۆبانێ هەیا نها د دۆمە و بەر ب زێدەبوونێ دچە، ب تایبه‌تی پشتی ڤه‌كشاندنا هێزێن ئه‌مه‌ریكی ژ ناڤه‌ندا سیرین ئا ل سینۆرێ كۆبانێ كو ئه‌ڤ گۆمان زێده‌تر كرن.
هەموو ئالیێن سیاسی دگەل ئالدار خەلیل هەڤرا و دلگرانن ل سەر ڤێ یەکێ کو جیمز جێفری پێزانینێن راست نادەت وان.
کۆبانێ وەکە خالەکە هەڤسۆز ئا دناڤبەرا کوردان دە تێ ناسین ب تایبەت د ئێریشا سالا 2014ان ده کو دائیشێ ل سەر ڤێ باژارێ پێکانی و کاری بەشەکە مەزن ژ باژاری داگیر بکە.
پاش ب دەستپێشخەریا موسعوود بارزانی سەرۆکێ هەرێما کوردستانێ ل وێ دەمێ، هەڤپەیمانێتیا ناڤنه‌ته‌وه‌ئی پشتەڤانیا ئاسیمانی ل هێزێن کوردی ل کۆبانێ کر و پێشمەرگە ب چەکێن گران ل سەر ئاخا ترکیێ دەرباسی کۆبانێ بوون، ئەڤ یەک بوو سەدەما شکەستنا دائیشێ ژ ئالیێن ئه‌سكه‌ر و سایکۆلۆژی و سیاسی ڤه. ژبەر ڤێ یەکێ هەرتم کۆبانێ ل ژێر گەفێن دائیشێ و هەڤالبەندێن وێ یە.
