ئه‌وله‌هیا تركیێ ئیرۆ ئۆپه‌راسیۆن ل دیلۆكێ پێكانی، هه‌ڤسه‌رۆكێ پارتیا ده‌مۆكراتیك ئا گه‌لان و هنه‌ك ئه‌ندامێن وێ پارتێ بنچاڤ كرن.
ئیرۆ رۆژا پێنجشه‌می 14/11/2019ان، ل دیلۆکێ و ناڤچەیا ڤە شەھیتکامیلێ، هێزێن ئه‌وله‌هیێ ئێن تركیێ ئۆپەراسیۆن ل ھەمبەری برێڤه‌بر و ئەندامێن پارتیا ده‌مۆكراتیك ئا گه‌لان هه‌ده‌پێ پێكانین، د ئەنجاما ئۆپەراسیۆنێ ده هه‌ڤسه‌رۆكێ شاخا دیلۆكێ «مسلم كلچ» هات بنچاڤ كرن.
سه‌ردۆزگه‌ریا ئام ئا تركیێ ئه‌شكه‌ره دكه كو «مسلم كلچ» هه‌ڤسه‌رۆكێ شاخا دیلۆكێ ئێ هه‌ده‌پێ ب سووچا ئالیگری ئه‌ندامێتیا پارتیا كاركه‌رێن كوردستانێ په‌كه‌كێ هات گرتن.
چاڤكانیێن باكورێ كوردستانێ ده‌ست نیشان كرنه، د ئۆپه‌راسیۆنا ل دیلۆكێ ده، هه‌ژماره‌كه هه‌ر دیار ئا ئالیگرێن پارتیا ده‌مۆكراتیك ئا گه‌لان هه‌ده‌پێ، ب سه‌ده‌ما ئالیگری و ئه‌ندامێتیا په‌كه‌كێ هاتنه بنچاڤ كرن.
کەسێن ھاتین دەستەسەر کرن ژبۆ لەکۆلینان ھاتن ڤەگوھاستن ژ بۆ مدۆریا پۆلیسان ئا دیلۆكێ ژ بۆ كو لێپرسینا وان وه‌ره كرن.
