باله‌فران PKK ل كانی ماسێ هه‌ده‌فكر و خانیێن 2 ولاتییان هه‌رفاندن

باله‌فران PKK ل كانی ماسێ هه‌ده‌فكر و خانیێن 2 ولاتییان هه‌رفاندن

باله‌فرێن جه‌نگی ئێن تركیێ هه‌ره‌كه‌تێن گه‌ریلایێن پارتیا كاركه‌رێن كوردستانێ په‌كه‌كێ ل هه‌رێما باشوورێ كوردستانێ هه‌ده‌ف كرن و ب سه‌ده‌ما ئێریشێ، خانیێن 2 هه‌مولاتیێن سینۆرێ ناڤچه‌یا كانی ماسێ هه‌رفتن.

چاڤكانیێن داركا مازیێ ئه‌شكه‌ره‌ كرن كو دوهـ شه‌ڤێ 13/11/2019ان، هه‌ژماره‌كه‌ گه‌ریلایێن په‌كه‌كێ خوه‌ نێزی گوندێ «دشێش یێ ناڤچه‌یا كانی ماسێ ل ده‌ڤه‌را مه‌تینا» كرن، پشتره‌ باله‌فرێن جه‌نگی ئێن تركیێ ئه‌و گه‌ریلا هه‌ده‌ف كرن و زرار گهان خه‌لكێ ناڤچه‌یێ.

چاڤكانیان ده‌ست نیشان كر، ب سه‌ده‌ما ئێریشا باله‌فران دو خانی یێن هه‌مولاتیێن ب ناڤێن «حسێن حسێن مهه‌مه‌د و تاهر حسێن موراد» هاتن هه‌رفاندن.

هه‌ر وها كابینه‌یه‌ك ژی ل وێ ناڤچه‌یێ بوویه‌ هه‌ده‌فا باله‌فرێن جه‌نگی، خه‌لكێ ناڤچه‌یێ گله‌یا وان هه‌یه‌ كو ئه‌ڤ ئێریش ب سه‌ده‌ما نێز بوونا په‌كه‌كێ ژ گوندێن وان چێبوویه‌.