باله‌فرێن جه‌نگی یێن تركیێ هه‌ركه‌تێن پارتیا كاركه‌رێن كوردستانێ ل هه‌رێما حه‌فته‌نینێ ئا باشوورێ كوردستانێ هه‌ده‌ف كر و زرارێن جانی پێره خستن.
ل گۆری وه‌زاره‌تا پارستنا نه‌ته‌وه‌ئی ئا تركیێ كو ل هه‌سابا خوه ئا تویته‌رێ وه‌شاندیه، باله‌فرێن جه‌نگی هه‌ره‌كه‌تێن گه‌ریلایێن په‌كه‌كێ ل هه‌رێما حه‌فته‌نینێ هه‌ده‌ف كرنه، 5 گه‌ریلایان جانێ خوه ونداكر.
ئارته‌شا تركیێ ته‌سبیت كر، كۆمێن گه‌ریلایان ئاماده‌كاری دكرن ئێریشا له‌شكرێن تركیێ بكه‌ن، لێ به‌لێ ئه‌و بوونه ئارمانجا باله‌فرێن جه‌نگی.
ئارته‌شا تركیێ ب درێژیا هه‌فتیا رابووری 4 جاران ئێریشا ئاسیمانی ل دژی په‌كه‌كێ ل هه‌رێما باشوورێ كوردستانێ پێكانی، نێزی 20 گه‌ریلایێن په‌كه‌كێ د ئێریشان ده جانێ خوه ووندا كرنه، په‌كه‌كێ هینا نها زرارێن كو ب گه‌ریلایێن وێ كه‌تنه سه‌راست نه‌كرنه.
