ل سه‌ر تێكلیا وان ب پارتیا كاركه‌رێن كوردستانێ په‌كه‌كێ، تركیێ ئیرۆ رۆژا شه‌می 4 قه‌یووم ل 4 شاره‌داریێن پارێزگه‌هیا مێردینێ ئا باكورێ كوردستانێ وه‌زیفه‌دار كرن.
ئیرۆ رۆژا شه‌می 16/11/2019ان، ل سەر شارەداریێن ناڤچەیێن «شەمرەخ، ستەور و دێرکێ» یێن گرێدای ب پارێزگەھا مێردینێ و ھەر وھا شارەداریا پرسووسێ یا گرێدای ب رھایێ ڤە ل باکورێ کوردستانێ قەیووم ھاتن وه‌زیفه‌دار كرن.
دانینا قەیوومان ل سەر شارەداریێن د دەستێ پارتیا دەمۆکراتیکا گەلان هه‌ده‌پێ ده ل باکورێ کوردستانێ د دۆمه و پارێزگاریا مێردینێ ب داخویانیەکه نڤیسكی ئه‌شكه‌ره کر کو ب په‌ژراندنا وەزارەتا كارێن هوندر، ل سەر شارەداریێن ناڤچەیێن «شەمرەخ، ستەور و دێرکێ» قه‌یوومێن وان ناڤچەیان جیێ شاره‌داران گرتنه.
ھەروھا پارێزگاریا رھایێ ب داخویانیەکە نڤیسكی به‌یان كر، ل سەر شارەداریا ناڤچەیا پرسووسێ قه‌یووم وه‌زیفه‌دار دبه.
دوهـ رۆژا ئینی 15/11/2019ا و ل سه‌ر سووچا تێكلیا ب په‌كه‌كێ ڤه، سه‌ردۆزگه‌ریا كۆماری یا تركیێ، «شارەدارا شەمرەخێ نالان ئۆزایدن، شارەدارا ستەورێ گولستان ئۆنجو، شارەدارا دێرکێ مولکیە ئەسمەز» و ھەروھا «شارەدارا پرسووسێ ھاتیجە چەڤیک» ژ ئالیێ ھێزێن ترکیێ ڤه هاتن بنچاڤ كرن
ب ڤێ چه‌ندێ ل باکورێ کوردستانێ ھەژمارا شارەداریێن د دەستێ هه‌ده‌پێ دە کو قەیووم ل سەر ھاتنە دانین گها 24 شاره‌داریان.
