ل رۆژا چارشهمی 6/11/2019ان، شاناز ئیبراهیم سهردانهكه مهیدانی ژ بۆ ناڤچهیا بههدینان پێكانی، وێ ههڤدیتن ل گهل هنهك بهرپرسیار و قادرۆیێن ینكێ كر و رهوشا ئۆرگانێن حزبێ شۆپاند، وێ ژ بۆ مهدیایێ ژی ئاخڤی و گۆت كو ههم د سیستهما دهستهلاتداریا ههرێما باشوور ده و ئیراقا فهدهرال، خهدهرهكه مهزن ژ ئالیێ یهكیتیا نشتیمانی ڤه ل ناڤچهیا بههدینان هاتیه كرن، ب تایبهت ل زاخۆكا دهلال.
شانازێ گۆت: تو قادرۆیێن وان ل زاخۆ د ئهنجوومهنا ناڤهندی، پۆلیتبیرۆ و ئورگانێن گرینگ یێن ینكێ ده نینن كو گللهیا خهلكێ بههدینان بگههینه جیێ بریارێ.
وێ بهردهوام كر: «هنهك جاران برادهرێن وان ل سلێمانیێ روونشتی نه و دچنه ههولێرێ ژ بۆ جڤینان، ئهز نزانم ئهو وان جڤینان ژ بۆ چ ئهنجام ددهن، ژبهركو جهماوهر، كۆمیته و مهلبهندێن ینكێ هاتنه پشتگوهاڤێتن ب تایبهت ل ناڤچهیا بههدینان».
شاناز دبێژه: «بههدینیان نوونهر نه ل حكومهتا ناڤهندی ل بهخدایێ و نه ل ههرێمێ و ل تو جیهكێ دن نینه».
