هەنگاو ئامارێن کوشتی و بریندارێن خوەپیشاندانێن رۆژهلاتێ کوردستانێ پارڤە دکە

کۆشتنا  21  خوەپیشاندەرا و بریندار بوونا  142  کەسێن دن ل رۆژهلاتێ کوردستانێ

رێکخەراوا هەنگاو بۆ مافێن مرۆڤ د یەکەم رۆژا خوەپیشاندانێن باژارێن کوردستانا رۆژهلات دژی گران بوونا بهایێ پانزینێ راگهاند هەری کێم 163 کورد ب گوولەیێن راستە راست ئێن هێزێن چەکدار ئێن ئیرانێ هاتینە کوشتن و بریندار کرن.

ل گۆرەی زانیاریێن هەنگاوێ رۆژا شەمی ل باژارێن جوانرۆ، سنە، کرماشان و مەریوان 163 کەس ژ ئالیێ هێزێن چەکدار ئێن ئیرانێ ڤە هاتینە هەدەف کرن ب گولەیێن راستە راست و ب ڤێ سەدەمێ 21 کەسان جانێ خوە ژ دەست دا.

هەروەها هەنگاوێ راگهاند کو هەژمارا هەری زێدە ئا کوشتی و برینداران ئێن باژارێ جوانرۆ نە کو ل ڤی باژاری 14 کەس هاتینە کوشتن و 52 کەسێن دن ژی هاتینە بریندار کرن.

پێناسا 2 کەسان ژ کوشتیان ب ناڤێن “کاوە مهەمەدی” و “هەمزە” ژ بۆ هەنگاوێ هاتینە ئیسبات کرن، هەروەها هاتیە زانین کو یەک ژ کوشتیان وەزیفەدارێ هکوومەتێ بوویە و ل شارەداریێ وەزیفەدار بوو.

ل باژارێ مەریوان 6 کەس ب تەقەیا راستە راست ئا هێزێن چەکدار ئێن ئیرانێ هاتینە کوشتن و 50 کەسێن دن ژی هاتینە بریندار کرن کو 3 ژوان زارۆ نە.

هەروها ل باژارێ سنە لاوەکە 16 سالی هاتیە کوشتن و 25 کەسێن دن ژی هاتینە بریندار کرن.

ل باژارێ کرماشان ژی 15 کەس هاتینە بریندار کرن.

ل رۆژێن ئینی و شەمی یا رابووری دە گەلێ ئیرانێ ب سەدەما نەرازی بوون ژ گران بوونا بهایێ پانزینێ کو ژ 1000  تیمەنان بلند بوو ژ بوو 3000  تیمەنان رژیانە سەر جادەیان و خوەپیشاندان ئەنجام دان، ل کوردستانا رۆژهلات ژی گەل ل 14 باژاران هاتن سەر جادەیان و خوەپیشاندان ئەنجام دان.