دۆران كالكان ئه‌ندامێ كۆمیتا ناڤه‌ندی ئا پارتیا كاركه‌رێن كوردستانێ په‌كه‌كێ و ده‌سته‌یا برێڤه‌بر ئا كۆما جڤاكێن كوردستانی كه‌جه‌كێ دبێژه: «چ ده‌ستهلاتداره‌كه ولاتێن «ئیراقێ، سووریێ، ئیران و تركیێ» مافێ بریار دایینێ ل سه‌ر تێكدانا پرۆژه‌یا ده‌وله‌تا گه‌لێن رۆژهلاتا ناڤین نینه، ئه‌م د قۆناخه‌كێ ده‌نه كو گه‌لێن رۆژهلاتا ناڤین د پارێزن، ژ بۆ كو گه‌لێن رۆژهلاتا ناڤین ده‌وله‌تا ده‌مۆكراتیكا گه‌لان ل ناڤ ڤان 4 ده‌وله‌تا ئاڤا بكن».
دۆران كالكان ل مه‌ها ئادارا سالا 2017ان داخوه‌یانی ل دۆر ره‌وشا ناڤچه‌یێ و هه‌ولا ده‌وله‌تبوونا باشوورێ كوردستانێ ژ بۆ مه‌دیا پارتیا خوه په‌كه‌كێ دان و ئاژانسا خواكورك ئه‌ڤ داخوه‌یانی ڤه‌گوهاستن و تێده كالكان وها ئاخڤی بوو:
دۆران كالكان ئاماژه دكه كو پێكهاته‌یا كورد ل ناڤ وان 4 ده‌وله‌تان وێ پاراستن و ئاڤاكرنا دوله‌تا گه‌لێن رۆژهلاتا ناڤین به، له‌وما نابه كورد فكر ل ده‌وله‌تا سه‌ربخوه بكن، یان ل سه‌ر ئه‌ساسا نه‌ته‌وێ ده‌وله‌تێ ئاڤا بكن، ئه‌ڤ پرۆژه‌یه‌كه شاشه و شاشیه‌ك ستراتیژیكه، له‌وما ئه‌مێ ب هه‌موو ئاوایه‌كی ل دژی ئاڤاكرنا ده‌وله‌تا نه‌ته‌وه‌یی یا كوردی راوه‌ستن.
دۆران كالكان د ڤێ ده‌ربارێ ده گۆت: «ئه‌م ل گه‌ل پاراستنا ده‌وله‌تێن «ئیراقێ، سووریێ، ئیرانێ و تركیێ» نه.
ئه‌ڤ سه‌ركردێ په‌كه‌كێ دبێژه: «ژ بۆ ڤێ ئێكێ ئێكێ شه‌نگال و مووسل ژ بۆ مه وه‌كه خالا پاراستنا (ده‌وله‌تا گه‌لان یا رۆژهلاتا ناڤین) و پێكڤه گریدانا رێره‌وا گه‌لێن رۆژهلاتا ناڤینه، له‌وما ئه‌مێ به‌رهنگاری پێشمه‌رگه بین، چونكه ناسنامه‌یا پێشمه‌رگه‌ی خه‌ته‌ره ل سه‌ر ده‌وله‌تێن (ئیراق، سووریا، ئیران و تركیێ) ژ به‌ر كو پێشمه‌رگه هه‌ولا ئاڤاكرنا ده‌وله‌تا نه‌ته‌وه‌ئی ئا كوردان دكه، كوردستانێ مافێ ده‌وله‌تا نه‌ته‌وه‌ئی نینه، چونكه ئه‌ڤ داخوازه‌كه برجوازه ژ بۆ خزمه‌تا جه‌مسه‌رێن سیاسی و له‌شكری، ئه‌مێ ب هه‌موو ئاوایه‌كی به‌رهنگاری وێ هه‌ولا پێشمه‌رگه و كوردان ببین».
كالكان ل ده‌ربارا په‌كه‌كێ ژی گۆت كو په‌كه‌كه ژ بۆ ئاڤاكرنا ناسنامه‌یا (نه‌ته‌وه‌ئی و ده‌وله‌تا ژ بۆ كورد) نه‌هاتیه دامه‌زراندن، ئه‌ڤ ئه‌ركه ژی نابه ب پارتییا ده‌مۆكرات یا كوردستانێ، یه‌كیتیا نشتیمانی، گۆران و ئه‌نه‌كه‌سێ و په‌ده‌كه یا باكور وه‌ره دایین، په‌كه‌كه ناسنامه‌یا ده‌وله‌تا نه‌ته‌وه‌ئی نا پارێزه و وێ ل دژ ده‌ركه‌ڤه.
ل ده‌ربارا ئیرانێ دۆران كالكان گۆ كو هه‌گه‌ر پشتگریا ئیرانی ژ بۆ ئالیكاریا گه‌لان د پرسا به‌رهنگاربوونا دابه‌شكاریا ده‌وله‌تێن رۆژهلاتا ناڤین بدۆمه، ئه‌مێ ته‌هرانێ بكینه ناڤه‌نده‌كه ستراتیژی و فیدراسیۆنا پاراستنا ده‌وله‌تێن ده‌مۆكراتیك ئێن گه‌لان، چونكه ئه‌م و چه‌پێن تركیێ، سووریێ و ل ئیراقێ ژی وێ ل گه‌ل ئیران ببن هه‌ڤبه‌شه‌كه ستراتیژی ژ بۆ روو ب روو بوونا كوردێن جوداخواز ل ئیراقێ ب تایبه‌ت بارزانیان كو دخوازن ده‌وله‌تێ ئاڤا بكه‌ن، په‌كه‌كه وێ یه‌كه‌م هێز به روو ب روو وێ هه‌ولێ ببه.
