باله‌فرێن جه‌نگی ئێن تركیێ، ئیرۆ هه‌ره‌كه‌تێن پارتیا كاركه‌رێن كوردستانێ ل هه‌رێما باشوورێ كوردستانێ ب تایبه‌ت ل ناڤچه‌یێن خواكورك و شه‌نگالێ هه‌ده‌ف كرن و زرارێن جانی پێره خستن.
چاڤكانیێن داركا مازیێ ئه‌شكه‌ره كرن، ئیرۆ رۆژا سێشه‌می 19/11/2019ان، باله‌فرێن جه‌نگی ئێن تركیێ، هه‌ره‌كه‌تێن په‌كه‌كێ ل ناڤچه‌یا خواكوركی هه‌ده‌ف كرن و 3 گه‌ریلا هاتن به‌رته‌ره‌ف كرن، هه‌موه‌خت باله‌فرێن جه‌نگێ په‌كه‌كه ل كۆمه‌لگه‌ها خانه‌سوورێ ئا سینۆرێ شه‌نگالێ هه‌ده‌ف كر، لێ به‌لێ زرارێن ئێریشێ نه‌هاتن ده‌ست نیشان كرن.
ل ڤێ ده‌ربارێ ده وه‌زاره‌تا پاراستنا نه‌ته‌وه‌ئی ئا تركیێ به‌یانه‌كه نڤیسكی ل هه‌سابا خوه ئا تویته‌رێ وه‌شاند و تێده ته‌سبیت كر كو ئه‌ڤ ئێریش هاتنه پێكانین.
ل هه‌فتییا رابووری باله‌فرێن جه‌نگی ئێن تركیێ جڤینه‌كه په‌كه‌كێ ل كۆمه‌لگه‌ها خانه‌سوورێ ئا شه‌نگالێ هه‌ده‌ف كر و تێده 2 به‌رپرسیارێن په‌كه‌كێ ئێن وێ ناڤچه‌یێ بریندار كربوون.
په‌كه‌كێ مالا هه‌مولاتیه‌كێ خانه‌سوورێ وه‌كه ناڤه‌ندا جڤینێن خوه بكارئانی، باله‌فران ژی ئه‌و مال مۆشه‌ك باران كر و ب ته‌مامه‌تی ژناڤبر.
