ئێریشا ئارته‌شا داگیركاریا تركیێ و دۆڤه‌لانكێن وێ ل سه‌ر رێیا ناڤنه‌ته‌وه‌ئی ئا ب ناڤێ M4 د دۆمه، هه‌سه‌ده ئێریشان به‌رسڤ دده.
چاڤكانیێن رۆژئاڤا كوردستانێ ئیرۆ رۆژا سێشه‌می 19/11/2019ان ئه‌شكه‌ره كرن، ئارته‌شا داگیركاریا تركیێ و چه‌ته‌یێن وێ ئێن گرێدای جه‌بهه‌ت ئه‌ل نوسره و ئارته‌شا ئازاد ئا سووریێ، ژ دوهـ شه‌ڤێ ڤه ئێریشا رێیا ناڤنه‌ته‌وه‌ئی M4ێ دكن، هێزێن سووریایا ده‌مۆكراتیك هه‌سه‌ده، ئه‌ڤان ئێریشان به‌رسڤ دده.
ئارته‌شا داگیركاریێ و دۆڤه‌لانكێن وێ، ژ ئه‌نیا گوندێ دبس ئێ گرێدای باژارۆكێ ئه‌ین ئیسایێ ئێریشا رێیا M4ێ دكن.
ناڤه‌ندا چاپه‌مه‌نیێ ئا هه‌سه‌دێ ل ڤێ ده‌ربارێ ده به‌یانه‌كه نڤیسی وه‌شاند و تێده هات ته‌سبیت كرن كو هه‌ری كێم له‌شكره‌كێ تركیێ د به‌رسڤدانا ئێریشا ل سه‌ر M4ێ ده هات كوشتن.
هه‌ر وها هه‌سه‌ده دبێژه: ئارته‌شا داگیركار دخوازه رێیا M4ێ كۆنترۆل بكه، لێ به‌لێ شه‌رڤانێن وان رێناده‌ن ئه‌ڤ پێشڤه‌چوون چێببه.
تركیێ ل 9 جۆتمه‌ها ئیسالێ ئێریشا داگیركاریا سه‌ر رۆژئاڤا كوردستانێ ده‌ستپێكر و ژ بۆ به‌رهنگاربوونا ئه‌ڤێ داگیركاریێ، هێزێن رۆژئاڤا كوردستانێ به‌رخوه‌دانا رومه‌تێ ئیلان كر.
