وەزیرێ كارێن دەرڤە یێ ئەمریکایێ ئیرۆ راگهاند کو گەلێ ئیراقێ ئێدی ب تو ئاوایه‌كی ناخوازه ئیران دەست د هوندرێ ئیراقێ دە بکە، دیسان ئاماژە دا وێ یەکێ کو ئەمەریکا ناخوازە ئەڤ ئالوزییا نها ئیراق تێدە ببە سەدەم تووندوتیژی لێ بهێ ئەنجامداین. وەزیرێ كارێن دەرڤە یێ ئەمەریکایێ د کونگرەیەکه چاپه‌مه‌ندیێ ده، ئیرۆ رۆژا سێشه‌می 19/11/2019ان راگەهاند کو ولاتی وی وێ بەردەوام ئالیكاریێن مرۆڤی بشینە ئیراقێ و داخوازییا ئاشتیێ و هێمنیێ ژ بو گەلێ ئیراقێ د كر.
دیسان ئاماژە دا وێ یەکێ کو ولاتێ وی وێ ئالیكاریێ ژ بۆ نەهێلانا گەندلیێ د هکوومەتا ئیراقا فەدرال دە بكه و هەروەها گۆت: ئەڤا نها ل بەخدایێ و باشوورێ ولات چێدبە سەدەم دەستێ ئیرانێ یە د كارێن هوندر ئێن ئیراقێ ده، ئەڤ یەک ژی دبە سەدەم کو گەلێ ئیراقێ خوەپیشاندانان ژ بۆی قوتکرنا دەستێ ئیرانێ د ولات دەبكه.
خوەپیشاندانێن کو ل سەرێ مه‌ها رابووری ژ ئالیێ گەلێ ئیراقێ ڤە ل بەخدایێ دیسان ل باشوور و ناڤەرستا ولات هاتبوون دەستپێکرن، ل دژی هکوومەتا نها تێن کرن و هەیا نها بەردەوامن.
کۆمسیۆنا مافێن مرۆڤان ل ئیراقێ راگەهاند کو هەژمارا قوربانی یێن خوەپیشاندەران هەیا نها گهانه 335 کوشتی و 15 هه‌زار برینداران، هنه‌ك ژ وان ژ هێزێن ئه‌وله‌هیێ نه.
ل دەستپێکا خوەپیشاندانێن گەلێ ئیراقێ دە خوەپیشاندەران د خوەست کو بێكاری وه‌ره كێم كرن، دیسان کار ژ بۆی نەهێلانا گەندەلیێ د ناڤا هکوومەتێ ده وه‌ره كرن و هنه‌كی خزمه‌ت و ژیانا گه‌ل وه‌ره باش كرن، لێ بەلێ هکوومەتا ئیراقێ و سازیێن ئەولەکاریێ کین ل همبەر خوەپیشاندەران بکارئانێ ئەڤژی بۆ سەدەم کوشتی و بریندار دەرکەڤن هولێ، پشتره داخوازیێن خوەپیشاندەران گهانه ئاستا وێ یه‌كێ كو هکوومەت ب تەمامێ بهێ هەلوەشاندن.
