خوه‌پێشانده‌رێن رۆژهلاتا كوردستانێ ل باژارێن كرماشان، مه‌ریوان و جوانرۆ  4 چه‌كدارێن ره‌ژیما ئیسلامی كوشتن

پێلا خوه‌پێشاندانێن ئیرانێ و رۆژهلاتا كوردستانێ ده‌وام دكه‌، ل رۆژهلاتا كوردستانێ ته‌نێ د 2 رۆژان ده‌، چه‌كدارێن ره‌ژیما ئیسلامی 45 خوه‌پێشانده‌رێن كورد شه‌هید كرنه‌.

رێخستنا هه‌نگاو ئا مافێن مرۆڤان ئا رۆژهلاتا كوردستانێ ئامارا هه‌ری داوی ئا زرارێن جانی ئێن خوه‌پێشانده‌رێن باژار و باژاركێن رۆژهلاتا كوردستانێ وه‌شاندن و ل گۆر ئاماران، ته‌نێ ل رۆژێن شه‌می و یه‌كشه‌م 16 و 17/11/2019ان، 45 خوه‌پێشانده‌رێن كورد هاتنه‌ كوشتن و پێتر ژ 500 خوه‌پێشانده‌رێن دن بریندار كه‌تنه‌.

ئامارێن ته‌سبیت كری ئێن رێخستنا هه‌نگاوێ ئاماژه‌ كرنه‌، ئه‌ڤ قوربانی ب ته‌قه‌یا راسته‌ راست ئا چه‌كدارێن ره‌ژیما ئیسلامی ئا ئیرانێ هاتنه‌ شه‌هید كرن.

هه‌نگاوێ ژ سه‌رجه‌ما شه‌هیدێن خوه‌پێشاندانێن رۆژهلاتا كوردستانێ، ناڤێ 20 كه‌سان ئه‌شكه‌ره‌ كرنه‌ و هه‌موه‌خت كو یین كیژان باژاری نه‌:

جوانرۆ

• کاوە محەمەدی

• حەمزە نەقدی

• ئیبراهیم مورادی

• عەزیز

• موبین عەبدوڵڵاهی

• جەبار تجارە

• یوونس هۆشەنگی

مەریوان

• عوسمان نادری

• مێهران تاک

• شاهۆ وەلیدی

• بێهروز مەلەکی

• ئیدریس بێوارە

• دانیال ئوستواری

کرمانشاه

• محەمەد میرزایی

• نادر بەیرانوەند

• مزەفەر زەهیری

بۆکان

• هیوا

• ئیدریس

• شلێر دادوەند

سەقز

• مینا شێخی

سنە

وه‌لاتیه‌كێ تەمەن ژێر 18 سال كو هینا نها ناڤێ وێ ئه‌شكه‌ره‌ نه‌بوویه‌

هه‌موه‌ختا شه‌هید كه‌تنا 45 كه‌سێن سڤیل كو ل گۆری ناڤێن هه‌نگاوێ 2 ژ وان كه‌چن، پێتر ژ 500 كه‌سان هاتنه‌ بریندار كرن، هه‌نگاوێ ده‌ست نیشان كر كو پرانیا برینداران ژ ترسا بنچاڤكرنێ، و ان سه‌ردانا ناڤه‌ندێن ساخله‌میێ ژ بۆ ده‌رمانكرنێ نه‌كرنه‌.

 ل باژارێن كرماشان، مه‌ریوان و جوانرۆ، خوه‌پیشانده‌رێن كورد 4 چه‌كدارێن رژه‌یما ئیسلامی ئا ئیرانێ كوشتنه‌.