ئالیكارێ سه‌رۆكێ ویلایه‌تێن یه‌كبووی ئێن ئه‌مه‌ریكایێ سه‌ردانا هه‌رێما باشوورێ كوردستانێ كر و دگه‌ل سه‌رۆكێ هه‌رێمێ جڤیا.
ئێڤارا ئیرۆ رۆژا شه‌می، 23/11/2019ان، مایك پێنس ئالیكارێ سه‌رۆكێ ئه‌مه‌ریكایێ، پشتی سه‌ردان و جڤینێن خوه ئێن به‌خدایێ ب داوی كرین، گها باژارێ هه‌ولێرێ ئێ پایته‌ختا هه‌رێما باشوورێ كوردستانێ.
مایك پێنس، ژ ئالیێ سه‌رۆكێ هه‌رێما باشوور نێچیرڤان بارزانی ڤه هات پێشوازی كرن و د هه‌ڤدیتنه‌كێ ده، داوی بوویه‌رێن هه‌رێمی نیقاش كرن.
مه‌سروور بارزانی سه‌رۆك وه‌زیرێ هه‌رێما باشوور، جێگرێ سه‌رۆك وه‌زیر، ئالیكارێ سه‌رۆكێ هه‌رێما باشوور و هه‌موه‌خت هه‌ژماره‌كه رایه‌دارێن هه‌رێمێ ئاماده‌ی جڤینێ بوون.
ئالیكارێ سه‌رۆكێ ئه‌مه‌ریكا و سه‌رۆكێ هه‌رێما باشوورێ كوردستانێ، نیقاشا داوی بوویه‌ر و پێشهاتێن ئیراقێ، هه‌رێما كوردستانێ و ناڤچه‌یێ كرن.
