رێکخراوا هەنگاو ژ بۆ مافێن مرۆڤان ئیرۆ رۆژا چارشەمی 27/11/2019ان راگهاند د خوەپێشاندانێن رۆژهلاتێ کوردستانێ کو ب سەدەما بلند بوونا بهایێ پانزینێ هاتبوون ئەنجامدان هەری کێم 34 کەس ب تەقەیا راستە راست یاهێزێن ئەولەهیا ئیرانێ ل باژارێ کرمانشان هاتینە شەهید کرن و پێتری 1230 کەسێن دن ژی هاتینە زیندانکرن.
هەنگاوێ راگهاند کو ژ رۆژا شەمی هەیا پێنجشەمی یا رابووری پێتری 1230 کەسان ل باژارێن کرمانشان، سەرپێلی زەهاو، جوانرۆ، ئسلاماوا دەستبسەر و پێتری 600 کەسان ل باژارێن جوانرۆ و کرمانشان هاتنە بریندار کرن.
ل گۆری زانیاریێ هەنگاوێ، گرتی د زیندانێن ئیتیلائات و سوپا و زیندانا دیزلئاوا دە هاتنە زیندانکرن و ئەو د رەوشەکە هەری خەراب دا نە، ب ئاوایەکە وەها کو هنەک ژ وان ب برینداری بێێ کو چاره‌سه‌ری ژ بۆ وان بێ ئەنجامدان نها د زیندانێن رەژیما ئیرانێ دە نە.
ڤێ سازیا تایبەت ب مافێن مرۆڤان راگهاند ه پێناسا 19 شەهیدان ژ بووی وێ ئەشکەرە بوونە ب ڤی ئاوایێ ل خوارێ هاتیە دیار کرن:
شەهیدێن کرمانشان
١-مهمد میرزایی
٢-نادر بیژەنڤەند
٣-یۆنس حزەتی
٤- مەزهەر زەهیری
٥-بۆرهان مەنسۆرنیا “خەلکی مەریوانە”
٦-عەبدۆلرەحمان شیرازی
٧-سەجاد باقری
٨-حیسام بارانی راد “خەلکی رەوانسەرە”
٩-مستەفا فەرزامی
١٠-ئارمین قادری
١١-بەهمەن عەزیزی
١٢-مهەمەد پالانی
١٣- مزەفەر وەتەندۆست
١٤-مزەفەر کەریمی
هەیا نها پێناسا ١٤- شەهیدێن کرمانشانێ نەهاتینە ئەشکەرە کرن.
شەهیدێن جوانرۆ
١-کاوە مهەمەدی
٢-یۆنس فیرۆز بەخت
٣-ئیبراهیم مۆرادی
٤-مۆبین عبدۆللاهی “خەلکی رەوانسەر”
٥-جەبار تجارە
