گرۆپێن چه‌كدار یێن سه‌ر ب ئارته‌شا تركیێ ڤه، 6 ولاتیێن هه‌رێما عه‌فرینێ یا رۆژئاڤا كوردستانێ ره‌ڤاندن، یه‌ك ژ وان ژنه و چاره‌نڤیسا وان نه زه‌لاله.
رێخستنا مافێن مرۆڤان ل هه‌رێما عه‌فرینێ راپۆرته‌ك ل ده‌ربارا سه‌رپێچی یێن چه‌ته و دۆڤه‌لانكێن ئارته‌شا تركیێ وه‌شاند و ئه‌شكه‌ره كر، گرۆپا ب ناڤێ ئەل ھەمزات 2 ولاتیێن عه‌فرینێ ب ناڤێن «مستەفا ئیبش ئەسوەد و ئەحمەد نووری ئەبدو» ل رێبەندا گوندێ ترندێ ژ رۆژا 23 ڤێ مەھێ ڤە رەڤاندنە و تا نھا چارەنڤیسا وان نە دیارە.
رێخستنا مافێن مرۆڤان ده‌ست نیشان كر، ل گوندێ ئەرەندێ یێ ناڤچەیا شیێ، گرۆپا ئەمشات ژنەک و 3 زه‌لام ب ناڤێ «ئەمینە یووسف، ئەحمەد حەج حەیدەر، عەزیز حەج حه‌یدەر و بەکر مستەفا» ژ رۆژا 18ی ڤێ مەھێ ڤە رەڤاندنە و چارەنڤیسا وان نە دیارە.
رێخستنا مافێن مرۆڤان ل عه‌فرینێ د بەشەکە دن یا راپۆرتا خوە دا راگھاند، گرۆپا ئەل ھەمزات و جەیش ئەل شەرقیە 70 دارێن زەیتۆنێ ل گوندێ کیمارێ و 65 دار ل گوندێ ئاخجەلێ برینه.
