سه‌رۆك وه‌زیرێ هه‌رێما باشوورێ كوردستانێ ئیرۆ سه‌ردانا تركیێ كر و ل گه‌ل ره‌جه‌ب ته‌یب ئه‌ردۆگان سه‌رۆكێ تركیێ جڤیا.
ئیرۆ ل ئه‌نقه‌ره یا پایته‌ختا تركیێ، ره‌جه‌ب ته‌یب ئه‌ردۆگان سه‌رۆك كۆمارێ تركیێ پێشوازی ل مه‌سروور بارزانی سه‌رۆك وه‌زیرێ هه‌رێما باشوورێ كوردستانێ كر.
مه‌سروور بارزانی و شاندا پێره ل سه‌ر داخوازییا فه‌رمی یا سه‌رۆكتیا تركیێ ئه‌ڤ سه‌ره‌دان پێكانیه، د گه‌ل گه‌هشتنێ ژ بۆ ئه‌نقه‌رێ، یه‌كه‌مین جڤین دگه‌ل وه‌زیرێ كارێن ده‌رڤه پێكانی.
پشتره د كۆنفه‌ره‌نسه‌كه چاپه‌مه‌نیێ یێ هه‌ڤپار ده ل گه‌ل مه‌ولوود چاویشئۆغلۆ، مه‌سروور بارزانی جڤین ب هه‌ری باش ب ناڤكر و گۆ كو ئه‌نجام وێ خێر تێده به.
مه‌سروور بارزانی و شاندا ئاست به‌رز یا حكوومه‌تا باشوور، تێكلیێن هه‌ولێر و ئه‌نقه‌ره‌یێ، ره‌وشا ناڤچه‌یێ ب گشتی ل گه‌ل رایه‌دارێن تركیێ نیقاش كرن، هه‌ر وها مه‌له‌فا شه‌نگالێ و په‌كه‌كێ كو ئه‌شكه‌ره كر حكوومه‌تا باشوور ل گه‌ل جیگرتنا په‌كه‌كێ ل شه‌نگالێ نینه.
ل وه‌ختا ئاڤابوونا هكوومه‌تا نوو یا باشوورێ كوردستانێ، سه‌رۆكتیا تركیێ داخوازیه‌كه فه‌رمی ئاراسته‌ی مه‌سروور بارزانی كر كو سه‌ردانا تركیێ بكه و ئه‌ڤ ژی یه‌كه‌مین سه‌ره‌دانا سه‌رۆك وه‌زیرێ مه‌سروور بارزانی یه ژ بۆ تركیێ.
