ئه‌مه‌ریكایێ 20 بارهه‌لگرێن چه‌ك شاندنه‌ رۆژئاڤا

ئه‌مه‌ریكایێ 20 بارهه‌لگرێن چه‌ك شاندنه‌ رۆژئاڤا

ویلایه‌تێن یه‌كگرتی یێن ئه‌مه‌ریكایێ، ئیرۆ 20 ترومبێلێن بارهه‌لگر یێن ئالیكاریێن چه‌ك و پێویستیێن لوجستی شاندنه‌ رۆژئاڤا كوردستانێ.

چاڤكانیێن رۆژئاڤا كوردستانێ ئیرۆ رۆژا یه‌كشه‌می 1/12/2019ێ ئه‌شكه‌ره‌ كرن، 20 ترومبێلێن باری یێن چه‌ك و پێویستیێن لوجستی كو یێن ئارته‌شا ئه‌مه‌ریكایێ نه‌، گهان سینۆرێ ناڤچه‌یێن هێزێن كوردی یێن ل رۆژئاڤا كوردستانێ.

مه‌دیا ره‌ژیما سووریێ ل ڤێ ده‌ربارێ به‌لاڤ كر، بارهه‌لگرێن چه‌ك و ته‌قه‌مه‌نیان یێن ئارته‌شا ئه‌مه‌ریكایێ ل پارێزگه‌ها حه‌سه‌كێ جێگیر بوونه‌، هه‌موه‌خت ته‌كه‌ز كر، ئه‌ڤ ئالیكاری ژ بۆ پشته‌ڤانیا هێزێن ئه‌مه‌ریكایێ نه‌ كو ل ور ب ئه‌ركا پاراستنا پالاوگه‌هێن په‌ترۆلێ رادبن.

ل گۆر چاڤكانیان، هنه‌ك ژ وان بارهه‌لگران به‌ر ب باشوورێ رێیا د ناڤبه‌را شه‌دادی و دێرازوورێ چوونه‌.

ل رۆژێن داویێ، ئارته‌شا ئه‌مه‌ریكایێ ب ده‌هان ترومبێلێن بارهه‌لگر شاندنه‌ ناڤچه‌یێن رمێلان ل نێزی پالاوگه‌هێن په‌ترۆلێ و پرانیا وان ل نێزی هه‌سه‌كێ و ره‌قایێ هاتنه‌ جێگیر كرن.