ئارته‌شا داگیركاریا ترکیێ ئیرۆسەنتەرەکە تایبەت ب گەشەپێدانا زارۆیان ل باژارۆکێ تەل رەفعەتێ بۆردۆمان كر و ب سەدەما ڤێ بۆردومانێ 10 کەس کو پرانیا وان زارۆ نە شه‌هید كه‌تن.
ئیرۆ رۆژا دوشه‌می 2/12/2019ان ئارته‌شا داگیركاریا ترکیێ ناڤەندا گەشەپێدانا زارۆیان ل باژارۆکێ تل رەفعەتێ ل باکورێ رۆژئاڤا سووریێ بۆردومان دکە و ئەڤ بۆردومان دبە سەدەما شه‌هید خستنا هەژمارەک زارۆیان.
نه‌رینگه‌ها سووریا یا مافێن مرۆڤان ئه‌شكه‌ره كر، ژ سه‌ده‌ما وێ بۆردومانێ 10 کەسان جانێ خوە ژ دەست دایە کو 9 ژ وان زاروونە، هەر وها ١٢ کەسێن دن ژی ژ ئەگەرا ڤێ بۆردومانێ بریندار کەتنه.
تێ زانین کو ئەڤ بۆ جارا یەکەمین نینە ئارته‌شا داگیركاریا ترکیێ جیێن سڤیلان بۆردۆمان دکە، بەلکو بەرا نها چەندین جیێن دن ژی ژ ئالیێ ئارته‌شا داگیركاریێ ڤه ل رۆژئاڤا کوردستانێ هاتنە بۆردۆمان کرن کو ڤان بۆردومانان هەژمارەکە شه‌هیدێن سڤیل و بریندار ل پەی خوە ئانیه.
