5 چه‌ته‌یێن تركیێ ل رۆژئاڤا كوردستانێ هاتن كوشتن

5 چه‌ته‌یێن تركیێ ل رۆژئاڤا كوردستانێ هاتن كوشتن

ھێزێن رزگاریا ئەفرینێ ل گونده‌كێ گرێدای باژارێ بابێ ئێریشی چه‌ته‌یێن تركیێ كر، د ئه‌نجامێ ده‌، 5 چه‌ته‌ هاتن كوشتن و هه‌ژماره‌كه‌ دن بریندار كه‌تن.

ل گۆر چاڤكانیێن رۆژئاڤا كوردستانێ، دوهـ رۆژا دوشه‌می 2/12/2019ێ، هێزه‌كه‌ كوردی كو ناڤێ هێزێن رزگاریا ئه‌فرینێ ل خوه‌ كرنه‌، ل گوندێ ئه‌بلێ یێ باژارێ بابێ ل دژی چەتەیێن ئارته‌شا ترکیێ ئێریش پێكانی و د ئه‌نجامێ دە 5 چەتە ھاتن کوشتن و ھندەک چەتە ژی بریندار بوونە.

پشتی ڤێ ئێریشا سینۆرێ بابێ، ئارته‌شا داگیركاریا تركیێ هه‌ر یه‌ك ژ گوندێن تل جیجان، سەمووقا و تل مەدیقێن یێن هه‌رێما شەھبایێ تۆپباران کرنە.

ئه‌ڤ هێزا كو ناڤێ رزگاریا ئه‌فرینێ ل سه‌ره‌، پشتی داگیركرنا وێ هه‌رێمێ ژ ئالیێ ئارته‌شا تركیێ ڤه‌ هات پێكانین و چالاكییان ل دژی چه‌ته‌یێن تركیێ و دۆڤه‌لانكێن وێ یێن ئۆپۆزسیۆنا سووریێ پێكدئینیت.