ئیرۆ 57 رۆژ ل سه‌ر ئێریشا داگیركاریا تركیێ ل سه‌ر رۆژئاڤا كوردستانێ ده‌رباس دبه و چه‌ته‌یێن تركیێ یێن ئۆپۆزسیۆنا سووریێ ئێریشا باژارۆكێن ئه‌ین ئیسا و تل ته‌مرێ كرن.
ل گۆر چاڤكانیێن رۆژئاڤا كوردستانێ، ئێرشێن ئارته‌شا ترکیێ یا داگیرکەر و چەتەیێن وێ ئیرۆ بۆ رۆژا 57 مین ل دژی ھەرێمێن باکور و رۆژھلاتێ سووریێ به‌رده‌وامن، ب تایبه‌ت ل باژارۆكێن ئه‌ین ئیسا و تل ته‌مرێ، د ئێریشێ ده هێزێن سووریایا ده‌مۆكراتیك هه‌ر چه‌ند كو به‌رسڤ دایه، لێ به‌لێ شه‌رڤانه‌كێ وان بریندار كه‌ت.
ل ڤێ ده‌ربارێ ده، ناڤه‌ندا چاپه‌مه‌نیا هێزێن سووریایا ده‌مۆكراتیك هه‌سه‌دێ ئه‌شكه‌ره كر، ئارته‌شا داگیرکەر و کۆمێن چەتەیێن ب سەر وێ ڤە ل دەردۆرا گوندێ ئەربەین ئێرش برن سەر چەپەرێن ھێزێن هه‌سه‌دێ و ھەرێمێن سیڤیل.
هه‌موه‌خت ده‌ست نیشان كر، کۆمێن چەتەیان ل سەر رێیا M4 یا ناڤدەولەتی تەڤگەرا خوە یا داگیرکەریێ دۆماند، ھەر وھا ئێرشێن ب چەکێن گران ل سەر گوندەوارێن تروازیێ و ئوم بەرامژ پێک ھاتن.
ئارته‌شا داگیرکەر ھەر وھا ب گوللـه هاون و تۆپێن گراد ئێرش برن سەر گوندێن خربت فارس، کەفیفا و لەقلەقۆ، تەڤگەرا بالافرێن بێپیلۆت ئارته‌شا داگیرکەر ژی ل سەر سەرانسەرێ ھەرێمێ بەردوەوام کر.
