سه‌رۆكێ هه‌رێما باشوورێ كوردستانێ په‌یامه‌ك ل ده‌ر‌بارا رۆژا جیهانی ئا رێزگرتنێ ل قوربانیێن جینۆسایدان وه‌شاند و تێده‌ داخواز دكه‌ ئه‌نجامده‌رێن جینۆسایدان وه‌رن سزادان.

نێچیرڤان بارزانی، سەرۆکێ ھەرێما باشوورێ کوردستانێ، ئیرۆ رۆژا دوشه‌می 9/12/2019ان، پەیامەک ل رۆژا جیھانی ئا رێزگرتنێ ل قوربانیێن جینۆسایدان وه‌شاندیه‌ و تێده‌ هاتیه‌: «ب رێز ڤە بیرئانینا قوربانیێن جینۆسایدێن کوردستانێ و جیھانێ دکین، سلاڤ و دروودان ژ بۆ جانێن پاکژ ئێن وان قوربانییان دشینین».

نێچیرڤان بارزانی د په‌یامێ ده‌، داخوازێ ژ جڤاکا ناڤنه‌ته‌وه‌ئی دكه‌، كار ژ بۆ دوبارنه‌بوونا جینۆسایدان بكه‌، هه‌موه‌خت ئەنجامدەرێن جینۆسایدان بێن سزادان.

ل سالا 2015ان نەتەوەیێن یه‌كبوویی، رۆژا 9 مه‌ها دیسامبه‌رێ ژ ھەر سالێ، ب رۆژا بیرئانین و رێزگرتنێ ل قوربانیێن جینۆسایدێ و رێگرتنێ ل وێ تاوانێ ده‌ست نیشان كر، ئەڤ رۆژ ژی ھەڤدەم ل گەل ب یاساکرن، رێگرتن و سزادانا ئەنجامدەرێن جینۆسایدێ ئا سالا 1948ان تێ.