مه‌سروور بارزانی مزگینیه‌كێ دده‌ گه‌لێ باشوور

پرۆژه‌یا چاكسازیێ ته‌مام بوویه‌ و ئاماده‌ی ژ بۆ پارله‌مه‌نێ بێ شاندن

سەرۆکوەزیرێ ھەرێما باشوورێ کوردستانێ ئیرۆ ئه‌شكه‌ره‌ كر كو پرۆژه‌یا چاكسازیێ هاتیه‌ سه‌ر راست كرن و نها ئاماده‌یه‌ ژ بۆ پارله‌مه‌نێ وه‌ره‌ ئاراسته‌ كرن ژ بۆ كو بێ په‌ژراندن.

مەسروور بارزانی رادگھینە، ھەیامەکە ل بار پەیدا بوویە، ئێدی گەنەدەلی تێدە گەش نابە و کۆمیتەکە بلند ژ ئالیێن پێوەندیدار ڤە ھاتیە پێکانین، ژ بۆ كو پێداچوونێ د پرۆژە یاسایا چاکسازیێ دە بکن و نھا یاسا ئامادەیە بۆ پارلمه‌نا كوردستانێ بێ شاندن.

سەرۆکوەزیرێ ھەرێما باشوور ل ڤێ ده‌ربارێ ده‌ پەیامەکە ڤیدیۆیی ل هه‌سابا خوه‌ ئا تویته‌رێ بەلاڤ کر و تێدە، ده‌ست نیشان كر ئه‌وان جه‌نگه‌كه‌ بێ وێنه‌ ل دژی گه‌نده‌لیێ دایه‌ مه‌شاندن و دبێژە: «ب خوە گەلەکی ل سەر وێ رژدم و چاڤێ خوە ژ گەندەلیا ت کەس و ئالیەکی ناگرم.«

مه‌سروور بارزانی تەکەزیێ ل وێ ژی دکە، نھا رێکارێن توند ل ھەمبەر کەسێن ل دەزگەھێن ھکوومەتێ بەرتیلێ وەردگرن ھاتنە گرتن.

سەرۆکوەزیر دلنیایێ د دە ولاتیان کو ب ھەموو کارینان رووبروویی گەندەلیێ دبن و دبێژە: «گەلەک ھەول ھاتنە دایین، د رووبرووبوونا گەندەلیێ دە مە سار بکن، لێ وەلاتیان دلنیا دکم، کو ب ھەموو کارینێن خوە د ھەولێن خوە دە بەردەوام دبن».