ل ئه‌فرینێ 9 چه‌ته‌یێن تركیێ هاتن كوشتن

ل ئه‌فرینێ 9 چه‌ته‌یێن تركیێ هاتن كوشتن

هێزێن رزگاریا ئه‌فرینێ د زنجیره‌یه‌كه‌ چالاكییان ده‌ كو ل رۆژێن رابووری ئه‌نجام دانه‌، 9 چه‌ته‌یێن گرۆپا سۆلتان موراد و فه‌یله‌قولشام و فرقه‌ت هه‌مزه‌ ل هه‌رێما ئه‌فرینێ كوشتنه‌.

هێزێن رزگاریا ئه‌فرینێ د به‌یانه‌كه‌ نڤیسكی ده‌، به‌هسا چالاكیێن خوه‌ یێن ل 3 رۆژێن رابووری كر كو ل دژی چه‌ته‌یێن تركیێ ل هه‌رێما ئه‌فرینێ و ده‌ردوورا وێ ئه‌نجام دانه‌ و راگهاند كو ژ 8 ڤێ مه‌هێ ڤه‌، وان 9 چه‌ته‌یێن تركیێ ژ گرۆپا سۆلتان موراد، فه‌یله‌قولشام و فرقه‌ت هه‌مزه‌ كوشتنه‌.

د به‌یانێ ده‌ هاتیه‌: د دیرۆکا 8ێ کانوونێ دە د ناڤبەرا گوندێن مەیدانکێ و گەمروکێ یێن ب سەر ناڤچەیا شەرایێ ڤه‌، چالاكی ل دژی چەتەیێن کۆما ب ناڤێ سولتان موراد هات ل دار خستن، د ئەنجامێ دە 3 چەتەیێن کۆما ناڤبۆری ھاتن کوشتن.

د ھەمان دیرۆکێ دە د ناڤبەرا گوندێن بەرادێ و کەفەر نەبۆیێ یێن سەر ناڤچەیا شێراوا ڤە، ل دژی چەتەیێن کۆما ب ناڤێ فەیله‌قولشام چالاکی هات پێكانین و د ئەنجامێ دە چەتەیەک ھاتە کوشتن و یەک ژی بریندار بوو.

 د دیرۆکا 9ێ کانوونێ دە ل دەردۆرا ھەرێما ئەزازێ ل دژی چەتەیێن کۆما ب ناڤێ فرقه‌ت ھەمزە چالاکیەک هات ل دار خستن و د ئه‌نجاما وێ چالاكیێ ژی ده‌،  5 چەتەیێن کۆما ناڤبۆری ھاتن کوشتن.