هێزێن سووریایا ده‌مۆكراتیك ئه‌شكه‌ره كر، ئارته‌شا داگیركاریا تركیێ ئاماده‌كاریا ئێریشه‌كه نوو دكه و هێزێن هه‌ری زێده ل گونده‌وارێن ئه‌ین ئیسا و تل ته‌مرێ كۆم كرنه.
هێزێن سووریایا ده‌مۆكراتیك هه‌سه‌دێ ئیرۆ رۆژا چارشه‌می د به‌یانه‌كه نڤیسكی ده ئه‌شه‌كه‌ره كر كو ئارته‌شا تركیێ ئاماده‌كاریا ئێریشه‌كه‌كه نوو دكه و چه‌كدارێن هه‌ری زێده یێن گرێدای ئۆپۆزسیۆنا سووریێ ل ده‌ردۆرا باژارێن تل ته‌مر و ئه‌ین ئیسایێ كۆم كرنه
هه‌سه‌ده دبێژه: «ئێریشا داگیركاریا تركیێ ل سه‌ر رۆژئاڤا كوردستانێ كه‌ت د رۆژا 62ان ده و چه‌كێن گران گونده‌وارێ تل ته‌مر و ئه‌ین ئیسایێ بۆردۆمان دكه».
داخویانی ناڤەندا راگھاندنێ یا هه‌سه‌دێ تێکلداری ئەنجامێن شەر و بەرخوەدانا 48 ده‌مژمێرێن داوین ل باکور و رۆژھلاتێ سووریێ وھایە:
ئارته‌شا داگیرکەر و چەتەیێن وێ، د رۆژێن 62 و 63ان ئێن ئێریشێن داگیرکەریێ ل سەر رۆژئاڤا کوردستانێ و باکورێ سووریێ ل سەرانسەرێ ھەرێمێ لڤین و تەڤگەرا خوە دۆماند؛ ل گەلەک قادان تەڤگەرا باله‌فرێن بێ پیلۆت بەردەوام بوو و جھ ب جھ ھەرێمێن سیڤیل ب دژواری تێن تۆپبارانکرن.
تل تەمر
ئارته‌شا داگیرکەر د ھەر دو رۆژان دە ب سەدان چەتەیێن خوە ئانین ھەرێمێ و دەست ب ئامادەکاریا ئێریشێن نوو کر، هه‌ر وها ل دەردۆرا گوندێ ئوم ئەل-کێف تۆپباران پێکانی و د ئەنجامێ دە زیانێن ماددی گھیشتن ملکێن سیڤیلان، ب باله‌فرێن بێ پیلۆت و چەکێن گران ژی ھەرێما گوندێ تل ئەل-وەرد بۆمبەباران کر.
ئەین ئیسا
ئارته‌شا داگیرکەر ل گوندێن کەندالێ و چەلەبێ یێن سەر ب ھەرێما قزەلی ڤە ب چەکێن گران ئێریش بر سەر ھەرێمێن سیڤیل، ھەر وھا مالێن گوندیان یێن ل گوندێن ئەریدا و خربەت فارس راستەراست ھاتن ھەدەف گرتن، د ئەنجاما ئێریشێن ئارته‌شا داگیرکەرێن ب باله‌فرێن بێ پیلۆت دە شەرڤانەکی جانێ خوە ووندار کر.
