ره‌ژیما ئیسلامی ئا ئیرانێ جه‌زایێ ب دارڤه‌كرنێ ل سه‌ر 5 خۆرتێن رۆژهلاتا كوردستانێ ب جی كر و رێخستنا هه‌نگاو ئا مافێن مرۆڤان ناڤێ وان ته‌سبیت كرنه.
ل گۆر رێخستنا هه‌نگاو ئا مافێن مرۆڤان ل رۆژهلاتا كوردستانێ، ب سووچا كوشتنا ب ئه‌نقه‌ست ره‌ژیما ئیسلامی ئا ئیرانێ، 5 خۆرتێن دن ئێن كورد ب دارڤه‌كرن و ئه‌ڤ جه‌زا ل زیندانا ناڤه‌ندی ئا باژارێ كرماشانێ ل رۆژا 9 دیسامبه‌رێ هات ب جی كرن.
هه‌نگاوێ ئه‌شكه‌ره كر كو ده‌ستهلاتا دادوه‌ری ئا ره‌ژیما ئیرانێ ئه‌و 5 خۆرتێن كورد ب سووچا كوشتنا ب ئه‌نقه‌ست دادگه‌هـ كربوون و ئه‌و جه‌زا ژ بۆ وان ده‌رخستبوو.
هه‌موه‌خت ده‌ست نیشان كر كو ناسنامه‌یا 3 ژ وان نه دیاره، لێ به‌لێ هه‌ر 2 خۆرتێن دن كو هاتنه ب دارڤه‌كرن ب ناڤێن «ئەمیر نەجەف ئابادی، خەلیل کەرەمی» نه.
رێخستنا هه‌نگاو دبێژه: «مه‌دیا ئیرانێ و به‌رپرسیارێن ره‌ژیما ئیسلامی نووچه‌یا بدارڤه‌كرنا وان رانه‌گهاندیه و ب ڤه‌شارتی هشتیه».
ره‌ژیما ئیسلامی به‌رده‌وام خۆرتێن كورد ل سه‌ر پرسێن سیاسی زیندان دكه و پشتره جه‌زایێ ب دارڤه‌كرنێ بۆ ده‌ردخه، پشتی كو سووچێن بێ بنگه‌هـ ژێره تێن چێكرن.
