رێڤه‌به‌ریا خوه‌سه‌ر چاره‌نڤیسا خوه ب ئه‌سه‌د ڤه گرێدایه و رۆژئاڤا د قادا ناڤه‌نه‌ته‌وه‌یی ده بێ رۆمه‌ت هشت
رێڤه‌به‌ریا خوه‌سه‌ر ره‌خنه‌یێن دژوار ل گۆتوبێژێن گه‌را 14ێ یا كۆنگره‌یا ئاستانایێ گرتن و گۆت كو ئه‌و كۆنگره ته‌مسیلا گه‌لێن سووریێ ناكه.
رێڤه‌به‌ریا خوه‌سه‌ر و ده‌ستهلاتا رۆژئاڤا كوردستانێ هه‌ر كو دچه ئه‌نجامێن ته‌كۆشینا خوه یا ژ بۆ به‌رژه‌وه‌ندیا به‌شار ئه‌سه‌دی و ره‌ژیما وی ب زه‌لالی وه‌ردگره، د كۆنگره‌یا 14ێ یا ئاستانایێ ده كو ل رۆژێن 11 و 12 ڤێ مه‌هێ ل كازاخستانێ هاتبوو ل دار خستن، چ راوێژ و گۆتوبێژه‌ك ب رێڤه‌به‌ریا خوه‌سه‌ر و ده‌ستهلاتا رۆژئاڤا نه‌هات كرن، به‌لكو زێده‌تر ته‌كۆشین و خه‌باتا وان یا ل دژی داگیركاریا توركیا ژی هات ئینكار كرن.
د ڤێ ده‌ربارێ ده رێڤه‌به‌ریا خوه‌سه‌ر د به‌یانه‌كه نڤیسكی ده، گه‌را 14مین یا گۆتوبێژێن چاره‌سه‌ریا ره‌وشا سووریێ كو ب به‌شداریا ولاتێن گارانتیكار «رووسیا، ئیران، توركیا» ل ئاستانایێ برێڤه‌چوو ره‌خنه كر و گۆت: «ئه‌و كۆنگره ته‌مسیلا گه‌لێن سووریێ ناكه».
د یه‌كه‌مین خه‌ته‌را كو كه‌تیه سه‌ر رۆژئاڤا كوردستانێ، ده‌ستهلاتا رۆژئاڤا ده‌ستێ خوه دا ده‌ست ره‌ژیما سووریێ و بانگا وێ یه‌كێ كر كو ئه‌وان ژ ده‌ستپێكێ ڤه خه‌بات و ته‌كۆشین ژ بۆ یه‌كپارچه‌یا خاكا سووریێ كریه. لهه‌ڤهاتن ب ره‌ژێمێ ره كر و هه‌موو ناڤچه‌یێن كو ب خوه‌ینا 11 هزار گه‌نجێن كورد رزگار كرین راده‌ستی ره‌ژیما به‌شار ئه‌سه‌د كرن.
پشتره و ل گه‌ل هاتنا ئارته‌شا سووریێ بۆ ناڤچه‌یێن رۆژئاڤا كوردستانێ، رێڤه‌به‌ریا خوه‌سه‌ر و ره‌ژیما سووریێ گۆتوبێژا دامه‌زراندنا رێڤه‌به‌ریه‌كا خوه‌جهی ل شوونا رێڤه‌به‌ریا خوه‌سه‌ر ده‌ست پێ كرنه، واته ل بن سیبه‌را سیاسه‌تا ده‌ستهلاتا رۆژئاڤا، چ تشته‌ك ب ناڤێ كورد ل وێ په‌رچه‌یا كوردستانێ نه‌ما، هه‌ر وها ب سه‌ده‌ما وێ سیاسه‌تێ د هه‌موو ناڤه‌ندێن ناڤنه‌ته‌وه‌یی ده بوچوونا كوردێن رۆژئاڤا ب گرینگی ڤه نایێ وه‌رگرتن.
رێڤه‌به‌ریا خوه‌سه‌ر د به‌یانا خوه دا كو دوهـ رۆژا ئینی 13/12/2019ان وه‌شاندیه، ره‌خنه‌یا كۆنگره‌یا ئاستانیێ كریه و دبێژه: «ئه‌و كۆنگره ته‌مسیلا گه‌لێن سووریێ ناكه»، رێڤه‌به‌ریا خوه‌سه‌ر نه‌گۆت كو ته‌مسیلا گه‌لێ كوردێ رۆژئاڤا ناكه.
لێ به‌لێ یا راست ئه‌و كۆنگره 100% ته‌مسیلا رێڤه‌به‌ریا خوه‌سه‌ر دكه، ژبه‌ركو رێڤه‌به‌ریێ چاره‌نڤیسا خوه ب چاره‌نڤیسا ره‌ژیمێ ڤه گرێدایه و ئاستانایێ نوونه‌رێن ره‌ژێمێ ب نوونه‌رێن وان حه‌ساب كرنه.
ئه‌ڤ ژی ته‌كستا به‌یانا رێڤه‌به‌ریا خوه‌سه‌ره كو ناڤێ گه‌لێ كورد ت جاری تێده نه‌هاتیه گۆتن:
