سهرۆكێ پارتیا دهمۆكرات یا كوردستانێ ئیرۆ د پهیامهكێ ده كو ل دهربارا رهوشا ئالۆز یا ئیراقێ و ناڤچهیێ پارڤهكریه، راگهاند كو پێویسته ژ بۆ چارهسهركرنا رهوشێ گوهـ ل ئهقل و مهنتقی وهره گرتن و ههموهخت هۆشداری ژ سهرلهدانا شهرێ ب وهكالهت دان.
مەسعوود بارزانی سەرۆکێ پارتییا دهمۆكرات یا كوردستانێ و رێبهرێ مللهتێ كورد ئیرۆ رۆژا سێشەمی 7/1/2020ان پاش بێدەنگیەک زوور پەیامەک نڤیسکی ژ بۆ رایا گشتی یا کوردستانێ و ئیراقێ بەلاڤ کر و تێدە راگهاند کو پێویستە ژ بۆ پەیداکرنا چارەسەریێ، گوھ ل ئەقل و مەنتق بێ گرتن نەکو ل پەی درووشم و گەنگەشەیێن بێسوود بین، ئهڤ ژی تهكستا پهیامێ یه:
ب ناڤێ خوەدایێ مەزن و دلۆڤان
د دەما چەند رۆژێن دەرباسبوویی دا رەوشەکە گەلەک مەترسیدار ل ناڤچەیێ و ئیراقێ دا ھاتیە ھۆلێ و ژ ھەموو ئالیەک ڤە ھەست ب مەترسیەکە مەزن تێ کرن. ل رەوشەکە وھا دا ژی پێویستە ژ بۆ پەیداکرنا چارەسەریێ، گوھ ل ئەقل و مەنتق بێ گرتن نەکو ل پەی درووشم و گەنگەشەیێن بێسوود بین.
نھا رەوش ل وارێ تەقین و گرفتان ڤە گەلەک ئالۆزە. ژ بۆ وێ یەکێ دڤێ ھەموو ئالیەک ڤی خەلکی کو ھەست ب بەرپرسیاریێ دکن، ب ئەقل و ھیکمەتێ ڤە چارەسەریەکە گوونجایی و مەعقوول پەیدابکن کو ل خزمەتا ھەموو ئالیەک بێ. گەر بێ و پرۆسەیا چارەسەرکرنێ ل سەر رێیەکە وھا بە، ئەم ژ بۆ یارمەتیدانا پەیداکرنا چارەسەریێ دە کێماسیێ ناکین، لێ بەلێ ل گەل وێ یەکێ دە ژی نابین کو وەلات تووشی شەرێ ب وەکالەت و چارەنڤیسەکە نەدیار بکە.
مەسعوود بارزانی
7/1/2020
ئهڤ پهیاما بارزانی ل دهمهكێ یه، دوهـ رۆژا دوشهمی 6/1/2020 عادل عهبدولمههدی سهرۆك وهزیرێ ئیراقا فهدهرال پهیوهندییهكه تێلهفوونی ل گهل بارزانی پێكانی بوو و تێده رهوشا ههری داوی و خهتریێن د رۆژهڤێ ده نیقاش كربوون.