سەرۆکێ ھەرێما باشوورێ کوردستانێ دیار کر کو ئەو ژ بریارا پارلمەنا ئیراقێ یا ده‌رخستنا هێزێن هه‌ڤپه‌یمانییا ناڤده‌وله‌تی ژ دلگرانن و ب بریاره‌ك ته‌كئالی ب ناڤ كر.
نێچیرڤان بارزانی، سەرۆکێ ھەرێما باشوورێ کوردستانێ پشتی جڤینا ل گەل سەرۆکا پارلمەنا ھەرێما باشوورێ کوردستانێ، سەرۆکوەزیرێ ھەرێما باشوورێ کوردستانێ و ئالیێن سیاسی ب جڤینا چاپەمەنیێ ناڤەرۆکا ھەڤدیتنان ئەشکەرە کر.
نێچیرڤان بارزانی گۆت: «ئیرۆ مە دو جڤین ل دار خست، یەک ل گەل ھەرسێ سەرۆکێن ھەرێما باشوورێ کوردستانێ، یا دویەمین ژی ل گەل ئالیێن سیاسی یێن ھەرێما کوردستانێ ل سەر پێشھاتەیێن ئیراقێ بوو، ب ئاوایەک گشتی ھەرێما کوردستانێ ژ رەوشا نھایا ل ئیراقێ دلگرانه، ب تایبەت پێشکەتنا ئالۆزییان، دڤێ ھەموو ئالی ھەولدانێن جددی ژ بۆ ئارامکرنا رەوشێ بدن».
بارزانی ئەشکەرە کر کو ژ بەر کو ھەموو کۆمێن ل بەخدایێ ل سەر رەوشێ خوەدی یەک ھەلوەستن کێفخوەشە و گۆت کو د جڤینێن ئیرۆ دە ژی ھەموو ئالی هه‌ڤرێ بوون كو کورد خوەدی یەک ھەلوەست و یەکدەنگ بن.
نێچیرڤان بارزانی دەستنیشان کر کو ئەو ل دژی ڤێ یەکێ نە کو ئیراق و ھەرێما کوردستانێ ببە قادا چارەسەرکرنا کو ناکۆکیێن نھا ھەنە.
نێچیرڤان بارزانی گۆت کو ھەولدانێن ھەرێما کوردستانێ ئەوە کو ئارامبیا ھەرێمێ ب تایبەت ھەرێما کوردستانێ بپارێزن.
سەرۆکێ ھەرێما کوردستانێ فکارێن ھەرێما کوردستانێ یێن ل سەر بریارا پارلمەنا ئیراقێ یا ژ بۆ دەرخستنا ھێزێن بیانی ئانی زمان و گۆت: د ته‌کۆشینا ل دژی تەرۆریستێن دائیشێ دە پێویستیا ھەرێما کوردستانێ و ئیراقێ ب ئالیکاریا هه‌ڤپه‌یمانان ھەیە».
