دادگەهکرنا سەلاحەدین دەمیرتاش

دادگەهکرنا سەلاحەدین دەمیرتاش

دادگەهکرنا هەڤسەرۆکێ بەرێ یێ هەدەپێ، سەلاحەدین دەمیرتاش ژ بۆ 27 و 28ێ ئەیارا داهاتی هات پاشخستن.

دادگەهکرنا هەڤسەرۆکێ بەرێ یێ هەدەپێ، سەلاحەدین دەمیرتاش ب سووچا “رێبەراتیکرنا رێخستنا تەرۆریستی، بەنگەشەکرن ژ بۆ رێخستنا تەرۆریستی، دژاتیکرنا یاسایا میتینگان و مەشان، چاندنا دژمناتیێ د دلێ خەلکێ دە، ستایشکرنا تاوانان و تاوانباران، هاندانا هەمولاتیا ژ بۆ پابەند نەبوون ب یاسایان و ئەنجامدانا تاوانان” ددۆمە.

ئیرۆ ژی ل دادگەها ئەنقەرەیێ روونشتنەکە دن ئا دادگەهێ ب ئامادەبوونا پارێزەرێن سەلاحەدین دەمیرتاش برێڤە چوو، لێ بەلێ دەمیرتاش ب خوە ب هێنجەتا نەجێگیر بوونا رەوشا وی یا تاندرۆستی د روونشتنێ دە ئامادە نەبوو، لسەر ڤێ یەکێ ژی نامەیەکا  لێبۆرینێ ئاراستەی دادگەهێ کر.

پارێزەرێن دەمیرتاش داخوازێن خوە پێشکێشی لیژنەیا دادوەریێ کرن و پشتی گوهگرتن ل پارێزەران، دادگەهێ بریار دا روونشتنا داهاتی ژ بۆ 27 و 28ێ ئایارێ بهێت پاشخستن.