رێخستنا هەنگاو بۆ مافێن مرۆڤان یا رۆژهلاتا كوردستانێ راگهاند، د سالا رابووری دە هەری کێم 52 هەمولاتیێن کورد ل زیندانێن ئیرانێ دە هاتنە سێداره‌دان.
ب پشتبەستن ب ئامارێن تۆمارکری ل ناڤەندا ئامارێن رێخستنا هه‌نگاو یا مافێن مرۆڤان، د سالا 2019ان دە هەری کێم 52 هەمولاتیێن کورد ل پارێزگەهێن ئیلام، لۆرستان، کرماشان، سنە، ئورمیە و خوراسان هاتنە سێداره‌دان کو پێناسا 46 کەسان ژ بۆ هەنگاوێ هاتنە دیار کرن و پێناسا 6 کەسێن دن نەدیارە.
ئەڤ رێژەیە ب بەراورد دگەل سالا 2018ان کو بریارا سێداره‌دانێ ژ بۆ 70 هەمولاتیێن کورد هاتبوو جیبەجیکرن 18 حالەت ئانکو 26٪ کێم بوویە.
سێداره‌دانا دو جوانان و 4 ژنان
د دەما سالا 2019ان دە بریارا سێدارەدانا دو جوانێن کورد کو د تەمەنا (بن 18 سالی)دە بوون ل زیندانێن ئیلام و کرماشانێ هات بجی كرن و هه‌ر وها بریارا سێدارەدانا 4 ژنان ل زیندانا سنە و ئورمیێ، 2 حالەت ژی ل مهابادێ هاتینە بجی کرن.
جوداکرنا سووچباریان
د دەما سالا رابووری دە هەمولاتیێن کورد ب تەنێ ب سووچا کوشتنێ (قەتل کرنێ) و سووچێن تێکلدار ب ماددەیێن هشبەرێ هاتنە سێداره‌دان.
کوشتنا ئارمانجدار: 47 حالەت کو دبە 90٪ێ یا سەرجەم حالەتان
ماددەیێن هشبەر: 5 حالەت کو دبە 10٪ێ یا سەرجەم حالەتان
جوداکرن ل گۆرەی پارێزگەهان:
پارێزگەها ئورمیێ: 19 حالەت کو دبە 36.5٪ یا سەرجەم حالەتان
پارێزگەها کرماشان: 11 حالەت کو دبە 21٪ یا سەرجەم حالەتان.
پارێزگەها سنە: 8 حالەت کو دبە 15٪ یا سەرجەم حالەتان
پارێزگەها ئیلام: 7 حالەت کو دبە 13.5٪ یا سەرجەم حالەتان
پارێزگەها لورستان: 4 حالەت کو دبە 9٪ یا سەرجەم حالەتان
پارێزگەها خوراسانا رەزەوی و باکور: 3 حالەت کو دبە 6٪ یا سەجەم حالەتان
