باله‌فرێن جه‌نگ یێن تركیێ د ئێریشا ئیرۆ یا ل باژارۆكێ سنۆنێ یێ گرێدایێ شه‌نگالێ پێكانی، فه‌رماندارێ گشتی یێن یه‌كینه‌یێن به‌رخوه‌دانا شه‌نگالێ یا گرێدای په‌كه‌كێ و برایێ وی هه‌ده‌ف كرن و هه‌ر راست كوشتن.
باله‌فرێن جه‌نگ یێن ئارته‌شا تركیێ، ئیرۆ رۆژا چارشه‌می 15/1/2020ان ئێریشا باره‌گه‌هێن یه‌كینه‌یێن به‌رخوه‌دانا شه‌نگالێ یه‌به‌شێ كر كو هێزه‌كه گرێدای پارتیا كاركه‌رێن كوردستانێ په‌كه‌كێ یه و زرارێن جانی یێن مه‌زن پێره خستن.
د ئێریشان ده كو ل ناڤه‌ندا باژارۆكێ دوگۆر یێ گرێدای باژارۆكێ سنۆنێ سه‌ر ب شه‌نگالێ ڤه هاتنه كرن، فه‌رماندارێ گشتی یێ یه‌به‌شێ و برایێ وی هاتنه هه‌ده‌ف كرن و كوشتن، هه‌موه‌خت 6 كه‌سێن دن ژی كو چه‌كدارێن یه‌به‌شێ بوون هاتن به‌رته‌ره‌ف كرن.
ل گۆری چاڤكانیێن پێگه‌ها داركا مازی، د بۆردۆمانا پێگه‌هێن یه‌به‌شێ ده، هه‌ر یه‌ك ژ «خه‌له‌ف باپیر موراد سه‌عدوون»، ب كۆد ناڤێ «سه‌رده‌شت شه‌نگالی» كو وه‌كه فه‌رماندارێ یه‌كینه‌یێن به‌رخوه‌دانا شه‌نگالێ وه‌زیفه‌دار بوو، هاته كوشتن.
هه‌ر وها برایێ «سه‌رده‌شت شه‌نگالی» ب ناڤێ «ئه‌یمه‌ن شه‌نگالی» ژی د بۆردۆمانا باله‌فرێن جه‌نگ یێن تركیێ ده هات كوشتن.
