رژێما كۆمارا ئیسلامی یا ئیرانێ، ل باژارێ ئۆرمیێ یێ رۆژهلاتا كوردستانێ، دو برایێن گرتی یێن ب ناڤێ «داریوش دەروێشی و دانش دەروێشی» ب دار ڤە کرن.
ل گۆر راپۆره‌كا رێخستنا هه‌نگاو یا مافێن مرۆڤان یا رۆژهلاتا كوردستانێ، دوھ سبەھێ دو كوردێن رۆژهلات كو برایێن هه‌ڤن و د زیندانا ناڤه‌ندی یا ئۆرمیێ ده بوون، حوكمێ ب دارڤه كرنێ ل سه‌ر وان ب هه‌ڤره ب جی كر.
هه‌ر یه‌ك ژ «داریۆش دەروێشی و دانش دەروێشی» کو بەرێ ژ ئالیێ دادگەھا ئیرانێ ڤە جەزایێ ب دار ڤەکرنێ ل وان ھاتبوو برین، دوهی سبه‌هێ ب ھەڤرە ل گرتیگەھا ناڤەندیا باژارێ ئورمیێ یێ رۆژھلاتێ کوردستانێ ھاتنە ب دار ڤەکرن.
ل گۆر راپۆرێ، برایەکی دنێ وان ھەردو برایێن ھاتنه ب دارڤە کرنێ ب ناڤێ «پۆران دەروێشی» ژ بۆ ب دارڤەکرنێ برینە، لێ پشتی ھەردو برایێن وی ھاتنە ب دار ڤەکرن، ڤەگەراندنە بەشا گشتیا گرتیگەھا ئۆرمیێ.
ئەڤ ھەر سێ برا، خەلکێ گوندێ دلە یێ سەر ب پارێزگەھا ئورمیێ نە، د سالا 2014ان دە ب ئیدیعایا کوشتنا دو كه‌سان هاتنه گرتن و پشتره جه‌زایێ ب دار ڤه‌كرنێ ژ بۆ وان ده‌ركه‌تیه.
